Քրեական աշխարհը անհանգստացած է. Նախատեսվում է լուրջ «սխոդկա»՝ ռուս, վրացի, եզդի «օրենքով գողերի» ներկայությամբ. «Փաստ»

«Փաստ» թերթը գրում է. ««Փաստ» թերթի տեղեկություններով, դեկտեմբերի առաջին շաբաթվա ընթացքում Հայաստանում նախատեսվում է քրեական աշխարհի ներկայացուցիչների բավականին լուրջ հավաք՝ «սխոդկա», որին, թերթի աղբյուրի փոխանցմամբ, մասնակցելու են քրեական աշխարհի մի քանի տասնյակի հասնող ներկայացուցիչներ, ի դեպ՝ նաև օտարազգի։

Մասնավորապես, մեր աղբյուրը փոխանցում է, որ գողական «սխոդկային» ներկա են լինելու ռուսական քրեական աշխարհի որոշ հայտնի դեմքեր, ինչպես նաև վրացի և եզդի «օրենքով գողեր»։

Հավաքի հիմնական նպատակը ՀՀ կառավարության կողմից նախատեսված հայտնի օրինագիծն է, որով առաջարկվում է քրեական պատասխանատվություն նախատեսել քրեական աստիճանակարգության, բարձրագույն կարգավիճակ տալու, ստանալու կամ պահպանելու, քրեական ենթամշակույթ կրող խմբավորում ստեղծելու կամ ղեկավարելու համար։

Սա լուրջ անհանգստություն է առաջացրել քրեական աշխարհում, քանի որ նման զարգացումները նրանց համար անակնկալ են եղել։

Նշենք, որ վերջին մի քանի օրերի ընթացքում այս թեման բավական ակտիվ քննարկվում էր հանրային օրակարգում, ըստ որի՝ ՀՀ-ում «օրենքով գողերի» և այլ քրեական հեղինակությունների նկատմամբ նախատեսվում է կիրառել լուրջ քայլեր, այսինքն՝ այս ուղղությամբ իրականացվելու է հստակ պետական քաղաքականություն։

Թերթի աղբյուրը փոխանցել է, որ քրեական աշխարհի «հսկաները» տեղում փորձելու են հասկանալ, թե սա ինչպես կարող է ազդել իրենց վրա, և իրենք ինչպես կարող են իրենց հետագա ներկայությունն ապահովել ՀՀ տարածքում։

Թերթին փոխանցել են նաև, որ «սխոդկան», նախնական տեղեկություններով, նախատեսվում է անցկացնել Ծաղկաձորի թանկարժեք հյուրանոցներից մեկում, իսկ թե կոնկրետ որում, մեզ չհաջողվեց պարզել»:

Առավել մանրամասն՝ թերթի այսօրվա համարում:

Related posts

ԲՀԿ պատգամավորի գրասենյակը խուզարկել են. ինչ է սպասվում «Ծառուկյան»-ի նախկին պատգամավորներին. «Ժողովուրդ»

admishik

Եվրադատարանի ապտակը՝ ՍԴ նախկին դատավորներին. ծննդյան «նվեր» Հրայր Թովմասյանին. «Ժողովուրդ»

admishik

Վրաստանը չի բացի Հայաստանի հետ սահմանը. Ինչ հիմնավորում է ներկայացվում. «Ժամանակ»

admishik

Միհրան Պողոսյանը ՌԴ-ում բանանի գո՞րծ է անում. նա հանդիպել է Գեւորգ Կոստանյանի ու Ռուբեն Հայրապետյանի հետ. «Իրավունք»

admishik

ԲՀԿ-ի «զադնին». Ովքեր են կուսակցության թիրախում այժմ. «Ժամանակ»

admishik

Փողով պայքարողները. Ինչ հույս ունեն Ռոբերտ Քոչարյանի կողմնակիցները. «Ժամանակ»

admishik

Փաշինյանը «պատեպատ է տվել» իրեն սխալ տեղեկություններ զեկուցողներին. մամուլի տեսություն

admishik

ՍԴ դատավորների «քասթինգ». Փաշինյանը մի քանի տասնյակ թեկնածուների անուն միանգամից ջնջել է. «Փաստ»

admishik

Գագիկ Ծառուկյանի մոտ թոքաբորբի նշաններ կան. «Հրապարակ»

admishik