Վովա զորավարի երբեմնի ենթակա նարեկ մալյանը հերթական պիցցայի խմբաքանակն ու պապաներից քսիֆներն ստանալուց հետո հայտարարել է… Լևոն Բարսեղյան

Երկրորդ ալիքի մասին

Վովա զորավարի երբեմնի ենթակա նարեկ մալյանը (մալյար ավելի է սազում, խոսքը մեր մեջ) հերթական պիցցայի խմբաքանակն ու պապաներից քսիֆներն ստանալուց հետո հայտարարել է Նիկոլին ազատագրելու հույժ կարեւոր օբերացիայի մասին:

Ու միայն իրեն հայտնի պատճառներով, ոչ թե ուզում է Նիկոլին ազատագրել վարչապետի նստավայրի մոտ շպագատ իջնելով ու թաթիկների վրա վազելով, այլ Բաց հասարակության հիմնադրամներ-Հայաստանի («Սորոսի հիմնադրամ» է ասում) գրասենյակի առաջ յուր մասերը ճղելու միջոցով: Երեւի սպասում է, որ կօգնենք իրեն վերջնականապես մուրազին հասնել:

Էս մալյարի հիպոթեզն այն է, թե Նիկոլին պատանդ է վերցրել Ջորջ Սորոսը: Հա, մի զարմացեք, բոլոր բժիշկները հրաժարվել են, դեղատները դեղ չեն տալիս, սիգարը ուրիշ տեղ է կոխում ու փորձում է մուխ առնել …: Այս, երբեմնի, կոֆե դնողը ուզում է ինքզինքը ապացուցած լինել, թե Նիկոլին իր գժուկ շեֆն ու սերժիկ պախանը իրենց մենթերով ու չակուջ դատավորներով չկարեցան պատանդ վերցնել, կարողանալու է 100-ամյա ծերուկը պատանդել: Սա հույս ուներ, թե իր խեղկատակություններով ու փողերով կկարողանա բազմացնել գեբելսի կապիկների մի հոծ բազմություն, ամեն գիշեր քնից առաջ ծնրադիր ու ճակատն հատակին՝ դբա Երուսաղեմ, աղոթում էր, որ հարյուրավորներ ու հազարավորներ հարեն իրեն ու ականջ կդնեն իր սաղմոսներին ու քայլեն իր ետեւից, ինչպես առաքյալներն էին հետեւում Տիրոջը, որ մի օր կարողանա վերջապես քայլել ծովի վրայով, հասնի Ամերիգա, հարմարեցնի՝ կծի Սորոսի պուպուլը, որ մեռնի ծերուկը այդ խայթից, իսկ ինքը պարգեւատրվի «Նիկոլի փրկարար» մեդալով: Բայց ո՞վ պարգեւատրի, պարդոն:

Կյանքում յուր տեղը տենդագին որոնող այդ մալյարը, չի կարողանում կողմնորոշվել՝ Նիկոլը լա՞վ է Հայաստանին, թե՞ վատ է: Մի կողմից ատում է, էլ դու սուս, որովհետեւ իր պապաներին զրկել է կերակրատաշտից, եւ Կոշն ու Գորիսի կռիտին են տեսնում մղձավանջներում, ու մնացորդային ողջամտությունը հուշում է, որ իր համար Նիկոլը վատ է, մյուս կողմից սրտանց ուզում է ազատագրել Նիկոլին միջազգային իմպերիալիզմի ճիրաններից, էգուց՝ Սորոսից, մյուս օրը՝ տեսնենք: Հավանաբար ուզում է հասկացնել իրենից ոչ պակաս տհասներին, որ Նիկոլը ընդհանրապես վատ չէ, բայց, որ ընկել է Սորոսի ազդեցության տակ, շատ վատ է: Սրա խելքով Նիկոլի լավը էն է, որ դատավորներին ասի՝ կաշառքներ վերցրեք, ինչպես առաջ էր, ինձ էլ բաժին կհանեք՝ ոնց որ սերժիկներին էիք հանում, քննիչներին ասի՝ ով իմ դեմ թարս բան է ասում, կոճկեք, դրեք բանտերը, իրեն էլ ասի.-տղա ջան, քու իմացած ձեւերով չոքեչոք քովս արի՝ ատամներով կոֆեի ափսեն բռնած: Այ, էս Նիկոլն է իր մուրազը, որին էն ստոր Սորոսը չի թողնում ազատ գործել:

Բայց մալյարի դիագնոզը չէ հարցը: Սա մետաստազն է զավթարարների մղկտոցների ու վնգստոցների: Ավելի բարդ հարց կա:

Արդյո՞ք Նիկոլը ազատագրման կամ պաշտպանության կարիք ունի: Ընդհանուր առմամբ բոլորն ունեն ազատագրման եւ պաշտպանության կարիք, ամենաազատներն ու ամենապաշտպանվածներն անգամ: Բայց, երբ մայլարի սորտն է նետվում Նիկոլի պաշտպանության, մտածելու հարցեր են առաջանում: Մալյարների, բազաների, իսագուլյանների, մենուաների, շարմազիկների, շիզոլինիների եւ քվազիքաղաքական կոյուղու այլեւայլ բոմժերի այսօրինակ բարբաջանքները խուլ անտարբերության են մատնվում, մնում են անարձագանք հեղափոխության առաջնորդների, հասցեատերերի եւ հեղինակավոր իշխանավորների կողմից, ես տպավորություն եմ ունենում, որ

Ա. Նիկոլն ու գործընկերները մտածում են, թե էդ բարբաջանքները ստից բաներ են, եթե արձագանքեն, կամ գնահատական տան՝ կաղտոտվեն, ավելի լավ է արհամարհել, անտեսել, եւ կկորչեն կգնան:

Բ. Հարվածի տակ է ընկնում սիրո եւ համերաշխության հեղափոխությունը: Ես այդ բառակապակցությունը եւ, մանավանդ, լիրիկան հեղափոխության համատեքստում գրեթե չեմ օգտագործում, նույնիսկ «թավշե» չեմ ասում, նախընտրում եմ «անարյուն» կամ «ոչ բռնի» բնութագրիչները, բայց համարում եմ. որ այն ամենի համեմատ, ինչ արել են մալյարի ու բազազի ստնտուները մեր գլուխը, երկրի գլուխը, տեղի ունեցած հեղափոխությունը իսկապես սիրո եւ համերաշխության հեղափոխություն էր, նույն ուղերձներով՝ սիրով եւ համերաշխ պահեք ձեզ, անտեղի մի ջղաձգվեք, փորձեք մարդավարի ապրել եւ այլն:

Մի արնախում ասել է, թե այն հեղափոխությունը, որ չի կարող իրեն պաշտպանել, դատապարտված է պարտվելու: Ասողն, իհարկե, հեղափոխություն չէր արել, այլ հեղաշրջում, ու բնական էր, որ պիտի մորթելով ու գյուլլելով պաշտպաներ այն: Սակայն միտքը խորքում ճշմարիտ է, եթե վերաձեւակերպեմ կստացվի այսպես.- ինչպիսի հեղափոխություն արել ես, այդպես էլ պաշտպանիր: -Արդեն տարիուկես ձգվող ու առնակավոր կալանավորների փողերով զլացող այս հորդառատ վայրահաչը, պրոպագանդան ու հանրային բախման, նույնիսկ արյուն հանելու սադրումը տեսնելու չտալը ամենեւին չի նշանակում, թե կոնֆլիկտ չկա, կամ եղածը մի բան չէ ու կմարի կգնա: Այդպես մտածողները, հավանաբար պատկերացում չունեն սիմֆոնիկ համերգի պատվիրատուների փողերի մասին: Իսկ Նիկոլը տեղյակ է այդ փողերի ծավալի մասին: Բայց պրոպագանդան թողնում է անարձագանք: Ինքն էլ է տեղյակ, որ իր լռությունը թուլություն են ընկալում հաճախ:

Ես ոչ գրաքննություն եմ առաջարկում, ոչ էլ անօրինական որեւէ հաշվեհարդար: Ես պնդում եմ, որ կարիք կա սիրո եւ համերաշխության հեղափոխությունը պաշտպանել օրինական, ողջամիտ, անհրաժեշտ եւ բավարար միջոցներով:

Ինչ է դա նշանակում:

Նախ նշանակում է պրոպագանդային ու սադրանքներին անհետաձգելի պատասխաններ եւ գնահատականներ տալ:

Նշանակում է՝ քննել եւ բացահայտել սեւ ու ստվերային ֆինանասկանն բոլոր այն հոսքերը, որ սնուցում են այդ արյունռուշտ քարոզն ու պրոպագանդան:

Առաջինը Նիկոլի անձնական կարողությունների շրջանակներում է անտարակույս, իսկ երկրորդը ամբողջությամբ հաղթահարելի է իրավապահ համակարգի կողմից: Սակայն, ոչ մեկն է արվում, ոչ մյուսը: Այս անգործությունն ու լռությունը շարունակելու դեպքում չեմ ուզում նկարագրել, թե ինչեր են լինելու:

Կոյուղու բնակիչների տերերը փայլուն հասկացել են, որ իրենց քաղաքական գոյությունը ուղիղ կախման մեջ է անարդարության եւ անհանդուրժողականության ծավալներից: Տպավորություն ունեմ, որ հեղափոխական, օրինական ընտրված, երկիրը միայն սիրով ու դուխով ազատագրած Նիկոլն ու իր թիմը այս կապը չեն հասկացել կամ խիստ թերագնահատում են:

Կոյուղին հասկացել է, որ ատելություն ու վախ սերմանելով, սուտ ու ցինիզմ տարածելով կարելի է հաջողել հանրային օրակարգ թելադրել, եթե ոչ, ապա գոնե շեղել օրախնդիրներից, որ չոքած է դռներիս առաջ, կասկած հարուցել սիրո, արդարության եւ փոփոոխության հնարավորության հանդեպ: Նրանք հասկացել են, որ վարկաբեկելով եւ զրպարտելով խորքային ու անդառնալի բարեփոխումներ պահանջողներին, իշխանությանը այդ ճամփին սատարողներին, կարելի է կասեցնել կամ չեղարկել , այդպիսով հուսալ, եթե ոչ վերադարձ հնին, ապա, գոնե՝ կանխել այս փափագած եւ հաղթանակած վերածնունդը:

Կոյուղին հասկացել է, որ այն Դուխը, որ չվախեցավ սերժիկի ռեժիմին առերեսվել, կարելի սանձնել կամ մարել կեղծ օրակարգով, բոբոների միֆականացմամբ եւ իսկական հրեշին՝ բռնատիրությանը, եւ ոչ թե թայֆայական հրեշիկներին առերեսվելու վախերը ու վտանգները սերմանելով:

Եթե չկա հավաքական կամք (դուք Դուխ ասեք), այդ բռնատիրության հրեշին առեսվելու, դրա ատամները հաշվելու, եւ իսկապես կազմաքանդելու, քշելու իր բոլոր զավթած բարձունքներից, ապա կարելի է հիմա հենց մոռանալ սերն ու հանդուրժողականությունը… կամ ավելի ճիշտ, հասկանալ, որ դատապարտված կլինենք այլեւս հանդուրժել միայն մեզ կողոպտածներին եւ անարդարությանը եւ սիրել… նույն Մասիս սարը…: Սարը սիրելը հեշտ է, ասել է մի գրող:

Շատերս հույս ունեինք, եւ դեռ ունենք, որ կարողանալու ենք հպարտանալ, որ կկարողացանք ազատագրել մեր երկիրը սելեկտիվ կրթությունից, որ հանգեցրել է երկու սերնդի նույնիսկ միջնադարյան մակարդակի գիտելիքի անհասանալիությանը, քյոխվայական «ինքնակառավարումից», վաշխառուական ճորտատիրությունից, օլիգարխների ամենաթողությունից, որ կարող էին թելադրել կենտրոնական բանկի քաղաքականություն եւ քվեարկության արդյունքներ, ու ամենակարեւորը՝ անձի, անհատի իր երկրում իրավազուրկ լինելուց:

Բայց դրա համար կարիք կա հեղափոխության երկրորդ ալիքի, համարձակություն եւ կամք, որ կազատագրի մնացորդային վախերից, կստիպի առերեսվել ծանր ճշմարտություններին, դրանք հաղթահարելու միջոցներ գտնել ազգովի, գիտակցված եւ համոզված, վերածննդի եւ զարթոնքի, տնտեսական, մշակութային, տեխնիկական եւ համազգային վերելքի: Սրա համար հարկավոր է վերից վար, մեծով եւ փոքրով ընդունել, որ այլեւս անհնար է ապրել անարդարությունը հանդուրժելով: Մինչ այդ առերեսումը եւ գնահատականը, բռնատիրության դատապարտումը չլինի, մենք դատապարտված ենք հանդուրժելու խավարասերների գանգատը լույսից… Պետք է ազատագրվել բոլոր մնացորդային վախերից եւ տգիտությունից, մալյարը ուզում է Նիկոլին ազատագրել, զուլումդ բլի՜ …, Ստացվում է մղձավանջային մի պատմություն, մոտավորապես այսպես. երբ Նիկոլը ալարում է հեղափոխության արժեքները պաշտպանել, մալյարները սկսում են Նիկոլին պաշտպանել կամ փրկել, կամ պաշտպանել ու փրկել: Ում պատմես՝ չի հավատա :): Վախերի կործանումից հետո մնացածը, որքան էլ դժվար, ամեօրյա, քրտնաջան, այնքան էլ հաղթահարելի գործ է: Ով չի հավատում, թող գոնե Վանի ինքնապաշտպանությունը կարդա կամ Իսրայելի պատմությունը թերթի:

Պաչում եմ 

Ձեր՝ Կինո Երեւանի մայլի ազգային անվտանգության խորհրդի սանէպիդ կայանի վարորդ

Related posts

Նիկոլ Փաշինյանը Հայոց նոր պատմություն կերտող ժամանակակից ,համայն հայության հերոսն է

admishik

Էս Երեւանի համայնքներն ինչու են մեր հարկերի հաշվին տոնածառեր տեղադրում աջ ու ձախ…Արմեն Դուլյան

admishik

Շուշան Պետրոսյանը հրապարակել է Փաշինյանի որդու լուսանկարը և գրառում կատարել. (ՖՈՏՈ)

admishik

Մի խանգարեք և օգնեք Նիկոլ Փաշինյանին, եթե ուզում եք ունենալ միասնական Ազգ, Հզոր ինքնիշխան պետություն և Միացյալ Արցախ….

admishik

Աշխարհահռչակ հայազգի երգչուհի Շերի անդրադարձը ԱՄՆ-ի Սենատի կողմից Հայոց Ցեղասպանության ճանաչմանը

admishik

Սա կարդալուց բացի, նաև մտածեք, թե ինչից ենք պրծել․․․․․

admishik

Նիկոլ տրորիր սրանց քանի չեն կծել քեզ ու քո իշխանությանը։ Մի ուշացրու։ Դեմոկրատիա մի խաղա։ Սատկացրու քանի դեռ ավերներ չեն գործել։

admishik

Կարդացի Արթուր Սաքունցին-ին ուղղված մեր ԱԱԾ հաղորդագրությունն ու ապշեցի, ամաչեցի․․․․Ստյոպա Սաֆարյան

admishik

Պատվի հարց․ Նիկոլ Փաշինյանի հակահարվածը Նեմեց Ռուբոյին․․․

admishik