Վարչապետի հրաժարական չենք պահանջում. Եթե նա հրաժարական տա, երկիրը կգնա դեպի քաոս. Լիբանանում ՌԱԿ ատենապետ

Ռամկավար ազատական կուսակցությունը չի պահանջում Նիկոլ Փաշինյանի հրաժարականը: Այս մասին «Առաջին լրատվական»-ի հետ զրույցում նշեց Լիբանանի ՌԱԿ կենտրոնական վարչության ատենապետ Ավետիս Դաքեսյանը:

Նրա խոսքով՝ Ռամկավար ազատական կուսակցության կենտրոնական վարչությունը հանդես է եկել հայտարարությամբ, որում նշում է, որ պետք է զսպվածություն, հավասարակշռվածություն լինի, երկու կողմերը հանդուրժող լինեն, որպեսզի իրավիճակն էլ ավելի չսրվի միմյանց հանդեպ:

«Վարչապետի հրաժարական նման պայմաններում մենք չենք պահանջում: Պետք է հանդարտություն լինի երկկողմանի: Ընդհանրապես, խաղաղ ընտրություններով պետք է ձևավորվի իշխանությունը, ու դա չպետք է հիմա լինի: Նախ պետք է իրավիճակը հանդարտվի, արտահերթ ընտրություններ կարող են լինել եկող տարի՝ մարտ-ապրիլ-մայիս-հունիս ամիսներին: Դա էր Կենտրոնական վարչության հայտարարության բովանդակությունը: Եթե վարչապետը հրաժարական տա, երկիրը կգնա դեպի քաոս: Պետք է ներկա կառավարությունը մնա մինչև հաջորդ տարվա գարուն-ամառ, երբ արտահերթ ընտրություններ կլինեն: Սա է մեր տեսակետը: Հնչակյանների տեսակետն էլ է այդպիսին»,- հայտարարեց Դաքեսյանը:

Նա նաև հավելեց, որ հիմա Լիբանանում իրենց կուսակցության հետ կապված երկվություն կա. «Կա օրինական կենտրոնական վարչություն, որի ատենապետը ես եմ, բայց այստեղ Սևակ Հակոբյան կա, որը վտարվել է կենտրոնական վարչությունից, նա չի ընդունում իր վտարումը, շարունակում է գործել: Մենք էլ չենք ուզում սրել իրավիճակը, համբերում ենք, չենք ուզում մեր ներքին հարցերով ծանրաբեռնել երկիրը»:

Հարցին, թե արդյոք վտարված Սևակ Հակոբյանը պահանջո՞ւմ է Նիկոլ Փաշինյանի հրաժարականը, Դաքեսյանն արձագանքեց. «Կարծես թե, ես չգիտեմ, պետք է իրեն հարցնել, որովհետև նա միայն ինքն իրեն է ներկայացնում: Իբր թե Հայաստանի Ռամկավար ազատական կուսակցություն կա, ինքը դրան է հարում, բայց ոչ մի օրինական հիմք չունի: Սփյուռքում միայն ՌԱԿ կենտրոնական վարչությունն է՝ Մայք Քարամյանի ատենապետությամբ, իսկ Լիբանանում ես եմ ատենապետը: Սևակ Հակոբյանն ինքն իրենից ոչինչ չի ներկայացնում, ինքը միայն «Զարթոնք»-ի խմբագիրն է, ուրիշ ոչինչ»:

Հարցին, թե ինչպե՞ս է գնահատում նոյեմբերի 10-ի հայտարարությունը, Ավետիս Դաքեսյանը պատասխանեց. «Տեսականորեն որևէ ճակատամարտում եթե հրամանատարը պարտվել է, նորմալ է, որ հրաժարական տա: Բայց պետք է իմանալ, որ մենք մեծ պետությունների՝ Ռուսաստանի, Թուրքիայի հաշիվներին ոտնակոխ եղանք: Մեզ համար միակ երաշխիքն այն է, որ գոնե ռուսական զորքը եկավ և Ղարաբաղում այսօր ներկա է: Այո, շատ մեծ պարտություն ունեցանք, մեծ պետությունների հաշիվներին զոհ գնացինք, Թուրքիան պաշտոնապես խոստովանեց, որ պատերազմել է մեր դեմ: Անշուշտ, բացթողումներ եղել են, մեր բանակը ԱԹՍ-ների առումով թույլ էր, իսկ զոհերի մեծ մասը հենց ԱԹՍ-ներից էր: Մենք չենք կարողացել ժամանակին լավ զինվել, ճիշտ հաշվարկներ անել, դրա համար էլ այսպես եղավ:

Շարունակությունը՝ այստեղ

Related posts

Գերությունից վերադարձած տղաներն այցելել են Ցականյաններին՝ շնորհակալություն հայտնելու տունդարձի համար

admishik

Ինչպես է ադրբեջանցի զինվրականը վիրավոր հայ զինվորին գրկած տանում է․ՏԵՍԱՆՅՈՒԹ

admishik

Տեսեք ինչ է արել Ալիևը Մկրտիչ Արզпւմшնյшնի հետ

admishik

Մի վախեցի պատերազմը ավարտվել է.ադրբեջանցի զիվորականները վիրավոր հայ զինվոր են գտել .ՏԵՍԱՆՅՈՒԹ

admishik

ՈՒՇԱԳՐԱՎ դեպք. «Ալիևը մտել է մեր տուն, կոմպոտները խմել… վա՜յ, երանի իմ պերեցները լրիվ բոտուլիզմ լինի, Ալիևն ուտի…»

admishik

Որպես հետախույզ՝ Բաքու ա գնացել, ողջ-առողջ վերադարձել, բայց էս պատերազմին զոհվեց

admishik

Չունենայինք Քոչարյանի ու Սերժ Սարգսյանի մաֆիական խմբի գրպանում դրված դատարան, չէր լինի Հոկտեմբերի 27. Բաբաջանյան

admishik

Ջհանգիրյանին ճնշեք, թո՛ղ հաճույք ստանա․ Հայկ Սարգսյանի հերթական կինոն

admishik

Երևանի փողոցներում վերակենդանացել են գերբարձր երաժշտությամբ թափառող ավտոմեքենաները, թքած ունենալով, որ… Նվեր Մնացականյանի ԿԱՐևՈՐ մեկ րոպեն

admishik