Սերժ Սարգսյանը կգա՞ Ազգային ժողով


ԱԺ Իմ քայլը խմբակցության պատգամավոր, Պաշտպանության և անվտանգության հարցերի մշտական հանձնաժողովի անդամ Տիգրան Կարապետյանը խորհրդարանում լրագրողների հետ զրույցում ասաց, որ ապրիլյան պատերազմի հարցով ԱԺ քննիչ հանձնաժողովի նիստերին կարող են հրավիրվել նաև նախկին պաշտոնյաները, այդ թվում՝ Սերժ Սարգսյանը։ Այսօր խորհրդարանում պետք է գումարվի քննիչ հանձնաժողովի առաջին նիստը։
«Քննարկելու ենք ապրիլյան պատերամզի հետ կապված հասարակությանը հուզող բոլոր հարցերը։ Օրակարգը կհաստատվի այսօրվա նիստի ժամանակ»,- ասաց Տիգրան Կարապետյանը։

Հարցին, թե քանի որ ապրիլյան պատերազմի ժամանակ գերագույն գլխավոր հրամանատարը Սերժ Սարգսյանն էր, հնարավո՞ր է անհրաժեշտություն լինի նրան հրավիրել հանձնաժողովի նիստերին, պատգամավորը պատասխանեց․ «Որևէ անձի հրավիրելու կաշկանդվածություն չունենք՝ անկախ նրանից` ներկա, թե նախկին պաշտոնյա։ Քննելու ենք ամբողջ գործընթացները, և եթե անհրաժեշտություն առաջանա Սերժ Սարգսյանին հրավիրել, կհրավիրենք»։

Ըստ Տիգրան Կարապետյանի՝ քննիչ հանձնաժողովն իր աշխատանքները կսկսի, աշխատանքի ընթացքում, եթե անհրաժեշտություն կառաջանա լսել այս կամ այն պաշտոնյային, իրենց կողմից որևէ կաշկանդվածություն չի լինի։ Նա հավելեց, որ քննիչ հանձնաժողովն ունի իրավունք նրանց հրավիրելու, անգամ, եթե նախկին պաշտոնյա են, և, այո, նրանք պարտավոր են ներկայանալ։

«Այդ մարդիկ նախկինում պաշտոններ են զբաղեցրել։ Մենք չենք կարող անմեղության կանխավարկած խախտել և ասել, որ մարդիկ ունեն մեղավորություն, բայց եթե անհրաժեշտություն առաջանա լսել որևէ մեկին, կարծում եմ՝ խնդիր չկա»,- հավելեց նա։
Տիգրան Կարապետյանը նաև ասաց, որ այդ թվում՝ Արցախից պաշտոնյաներ կարող են հրավիրել։ Այդ հարցում իրենց կօգնեն Արցախի խորհրդարանի պատգամավորները։ «Կարծում եմ՝ Արցախի Հանրապետության մեր գործընկերները ևս շահագրգռված են ապրիլյանի հետ կապված մեր բոլոր հարցերի պատասխաններն ստանալ»,- հավելեց նա։

Related posts

ԻՇԽԱՆՈՒԹՅՈՒՆԸ ՊԵՏՔ Է ՀԵՌԱՆԱ՝ ՃԱՆԱՊԱՐՀ ԲԱՑԵԼՈՎ ԻՐԱԿԱՆ ՎԵՐԱՓՈԽՈՒՄՆԵՐԻ ՀԱՄԱՐ

admishik

7 մարդ մահացել է. Մեկ օրում կորոնավիրուսից ապաքինվել է 207 անձ. մանրամասներ

admishik

Տիգրան Ավինյան, Արսեն Թորոսյան, ԱԱԾ տնօրեն. Փաշինյանի սեղանին դիմումներ կան. «Հրապարակ»

admishik

Պարոն Ծառուկյանը պարզապես մտահոգված է մի շարք քրեական գործերի ընթացքով, որոնք վերաբերվում են փողերի լվացմանը, ընտրակաշառք բաժանելուն, հարկերից խուսափելուն, կոռուպցիային. վարչապետի խոսնակ

admishik

«Ո՞ր մի փողատերը կգա մի երկիր, որտեղ հայտարարում են՝ փռեմ, ծեփեմ պոլին, պատին». Գագիկ Ծառուկյան

admishik

Վարչապետի փոփոխության 3 տարբերակ կա.Արթուր Վանեցյան

admishik

«Մենք երկիր ենք կորցնում». Գ.Ծառուկյանի համախմբման կոչը քաղաքական առողջ ուժերին

admishik

Տիգրան Ավինյանն ու Արսեն Թորոսյանն այցելել են բժշկական հաստատություններ

admishik

ՇՏԱՊ ԼՈՒՐ․Ինչպե՞ս է Գագիկ Խաչատրյանի որդուն հաջողվել անհետանալ իրավապահների տեսադաշտից

admishik