Սենսացիոն փաստեր․Արթուր Վանեցյանը միացավ Միքայել Մինասյանին


Միքայել Մինասյանի այդ հայտարարություն-գրառումը գուցե ուներ ընդամենը մեծամասնության ներսում որոշակի ինտրիգային, կասկածի մթնոլորտ, գուցե «վհուկների որսի» գործընթաց խթանելու և ներքին քայքայման գործընթաց առաջացնելու նպատակ: Բայց դա թերևս չափազանց պարզ, անգամ պարզունակ կարող է դիտվել առկա իրավիճակում: Միաժամանակ, Արթուր Վանեցյանի հայտարարությունը վկայում է, որ, այդուհանդերձ, գրառումը ըստ ամենայնի կամ ընկալվում, կամ ներկայացնում է քաղաքական որոշակի թրենդ, որ ծավալվում է ներկայիս իշխանության կամ վարչապետ Փաշինյանի ընդդիմախոսների շրջանակում:
Միքայել Մինասյանի և Արթուր Վանեցյանի հայտարարություններում նկատելի է որոշակի սինքրոնություն՝ այն իմաստով, որ փաստորեն դրվում է նոր կառավարության հարց, թեև մի դեպքում ուղիղ իմաստով կոչ է արվում «Իմ քայլին», մյուս դեպքում ընդամենը խոսվում է հակաճգնաժամային ժամանակավոր կառավարության մասին:

Արթուր Վանեցյանն այդպիսով, այսպես ասած, լրացնո՞ւմ է Միքայել Մինասյանի առաջ քաշած միտքը կամ թեման, ընդ որում՝ ներկայացնելով անգամ ժամանակավոր կառավարությունը գլխավորելու թեկնածության հայտ, թե՞ ԱԱԾ նախկին պետը, Մինասյանի գրառման մեջ տեսնելով որոշակի մրցակցային հանգամանք, փորձում է չմնալ հետ և լինել գործընթացում: Արդյոք Արթուր Վանեցյա՞նն է այն 1-2 երկու թեկնածուներից մեկը, որոնց մասին խոսում էր Միքայել Մինասյանը «Իմ քայլին» ուղղված կոչում, թեև իհարկե Վանեցյանը դիտվում է ոչ թե մեծամասնության շրջանակի, այլ հակառակը՝ հակառակ ճամբարի ներկայացուցիչ և ավելի շատ ասոցացվում է նախկին իշխանության հետ:

Միաժամանակ այդ հանգամանքը առավել հետաքրքիր է դարձնում Մինասյանի գրառում-կոչից հետո նույն թեմատիկայի շրջանակում Արթուր Վանեցյանի գրառումը: Հաշվի առնելով այն, որ ԱԱԾ նախկին պետն առավելապես ասոցացվում է նախկին իշխանության, այդ թվում՝ Միքայել Մինասյանի հետ, նրա գրառումը մեծ հաշվով հենց այդ իմաստով ընդգծում է նախկին դեսպանի հայտարարությունը, ինչը կարող է խորացնել հայտարարության, այսպես ասած, հանրային արձագանքի բացասականության աստիճանը:
Ինչի համար է դա անհրաժեշտ ԱԱԾ նախկին պետին, թեև, իհարկե, ընդհանուր առմամբ բաց է նաև հարցը, թե ինչի համար էր կոչը շրջանառելն ընդհանրապես անհրաժեշտ Միքայել Մինասյանին: Իհարկե հնարավոր է, որ Արթուր Վանեցյանին էլ դա հետաքրքրել է, և չունենալով հարցի ստույգ, սպառիչ պատասխան՝ նա, այսպես ասած, շարունակել է հայտարարությունը՝ գործընթացը կամ թեման բաց չթողնելու և, ըստ այդմ, որոշակի վերահսկողություն կամ թեմայի մեջ իր «բաժնեմասն» ունենալու համար:
Միևնույն ժամանակ, կասկած չկա, որ երկու գրառումն էլ բուն հասցեականության իմաստով թերևս ամենավերջինն են հասցեագրված հանրության լայն շերտերին և ավելի շատ ուղղված են քաղաքականության անմիջական սուբյեկտներին: Բայց, ի վերջո, կասկածից վեր է մի բան, որ վերջին խոսքը հանրությանն է, ըստ այդմ՝ անխուսափելի է քաղաքական խոսք, որն իրավիճակ փոխի առանց հանրային հավանության: Այդ տեսանկյունից Հայաստանը թերևս բավականին հեռու է այդ փուլից, որի առայժմ նկատելի պայմանական «կետը» 2023 թվականին նախատեսված խորհրդարանի հերթական ընտրությունն է:

Related posts

ՍՈՐՏԱՎՈՐՄԱՆ ՀԵՏԵՎԱՆՔԸ. ՀԱՅՐԸ ՎԱԽԵՆՈՒՄ Է ԱՊՐԵԼ ԴՍՏԵՐ ՀԵՏ

admishik

Ուղևորներն իջեցվել են, իսկ տրանսպորտային միջոցներիը տեղափոխվել են ոստիկանության տարածքային բաժիններ

admishik

Վանեցյանը՝ ռուսական պետհամարանիշներով ավտոմեքենա վարելու մասին. ՏԵՍԱՆՅՈՒԹ

admishik

Պատգամավորը հրաժարվում է դիմակ կրել ԱԺ տարածքում

admishik

Չեմ հերքում, չեմ մեկնաբանում. Վանեցյանը՝ Միքայել Մինասյանից սիմվոլիկ գումար ուզելու մասին

admishik

«Գործել եմ բացառապես իմ պաշտոնական լիազորությունների շրջանակում». Արթուր Վանեցյանը ժամանեց ՀՔԾ

admishik

Կարինե Բուռնազյանի մոտ կորոնավիրուս է հաստատվել. նոր մանրամասներ դերասանուհու մահից

admishik

Ասում են՝ բռի կերպով, տղայիս քարշ տալով տարել են. Կապանում ձերբակալված Խորեն Միրզոյանի մայր

admishik

Ինչ որ մեկը ասել է, որ դուք ասեք գժգոհ եք կամ շնորհակալ եք: Նոր տեսանյութ ի՞նչ է պատմում Արտուշ պապիկը

admishik