Սա ոչ Քոչարյան է, ոչ Վանեցյան է, և կարող է վատ բաներ լինեն

lragir.am-ը գրում է

Մեր զրուցակիցն է դերասան Սերգեյ Դանիելյանը

Պարոն Դանիելյան, հետևո՞ւմ եք Հայաստանում տեղի ունեցող զարգացումներին։ Ամուլսար, երկու օրում երկու հրաժարական։ Ի՞նչ է, ըստ Ձեզ, տեղի ունենում Հայաստանի ներքաղաքական կյանքում։

Խառն են, խառը, բոլոլա է (ծիծաղում է)։

Իսկ ինչո՞ւ։

Ինչ իմանամ, ես իրենց հետ չեմ։ Հավանաբար անհամաձայնություններ են։ Կարծում եմ՝ հիմնականում Ամուլսարն է համը հանում։ Ամենասկզբից էլ ասում էինք, որ այս հարցը պետք է միանգամից լուծել, բայց ասողին լսող է պետք։ Մեծերին չլսողի ոտքը քարին կդիպչի, բա… (ծիծաղում է)։

Այս բոլոր իրադարձությունների ֆոնին կարծեք թե հետին պլան մղվեց Ամուլսարի հաևցը։ Դուք նշում եք, որ Ամուլսարն է հիմնական թեման։ Չի մարե՞լ դեռ։

Չէ, ընդհանրապես բնապահպանական թեմաները չեն մարում, շատ ցավոտ են, երկար և վտանգավոր են բոլոր իշխանությունների համար։ Երկու անգամ բնապահպաններին ծեծեն, տեսեք ինչ է լինելու։

Մի մոռացեք, որ Սովետի քանդումը սկսվեց բնապահպանական շարժումից, Նաիրիտը փակելուց և այլն։ Սա շատ վտանգավոր է, եթե մնա անլուծելի։ Բայց ես չեմ կարծում, որ Փաշինյանն այդքան հեշտ ուզում է հրաժարվել իշխանությունից։ Չի բացառվում լուրջ իրավիճակի հանգենք, մանավանդ առաջին պայթյունից, փորձարկումից և մեկ լիտր ջուր կեղտոտվելուց հետո։

Պարոն Դանիելյան, կարծում եք անկեղծ չէ՞ վարչապետն իր հայտարարություններում, որ հիմք չկա հանքի շահագործումը թույլ չտալու և այլն։

Չեմ կարող ասել, ինքը պետք է ժողովրդի հետ խոսեր, ասեր՝ ով է ստիպում, եթե չի ասում, ուրեմն ինչ-որ պայմանավորվածություններ ունի, որ չի ուզում ասի։ Ես հիմա ենթադրությունների գիրկն եմ ընկել։

Ինչո՞ւ եք Ամուլսարի խնդիրը, հրաժարականները բոլորը մեկ հարթության մեջ դիտարկում։

Չէ, Ամուլսարը ոչ թե պատճառ է, այլ հետևանք, բայց այն քաղաքականությունը՝  նախկիններին գնահատական չտալը, նախկին որոշակի պարտավորություններից չհրաժարվելը, օրենքները չփոխելը, անսկզբունք լինելը և այլն, միայն ինչ-որ անձանց վրա սևեռվելը, և այս ամենին գումարած Ամուլսարը, որը լուրջ խնդիր է, սա ոչ Քոչարյան է, ոչ Վանեցյան է, և կարող է վատ բաներ լինեն։ Սա ցավով եմ ասում, որովհետև մենք ենք ուզել, մենք ենք ընտրել, մենք ենք գնացել, մենք ենք վտանգվել, զրկանքներ տեսել։

Ամուլսարը իշխանությունների փորձաքա՞րն է դարձել։

Այո, բայց ցավոք սա ամենամեծ փորձաքարը չի։ Ունենք Ղարաբաղ, հողերի խնդիր, կոնվենցիաներ կան, որոնք ավելի լուրջ են, և եթե Ամուլսարի փոքր բլուրի վրա սայթաքեցինք, հետո ինչ է լինելու, չգիտեմ։ Համենայն դեպս, ինձ թվում է՝ այս հարցը ավելի հեշտ էր լուծել՝ օֆշորային անհասկանալի կազմակերպություն, հանքարդյունաբերության փորձ չունի, փայատերերը պարզ չեն, Սարգսյանի ժամանակ է ի հայտ եկել, ինչը նշանակում է՝ առանց կոռուպցիայի անհնար էր։ Ես մի քանի կետ նշեցի, որով կարելի էր այս պատմությունը փակել, բայց ըստ երևույթին, կան ավելի լուրջ բաներ, քան այն, ինչ երևում է։ Չեմ կարծում՝ Նիկոլ Փաշինյանն ինքն իր թշնամին է և դանակն առել, ընկել է իր հետևից։

Մանրամասները՝ սկզբնաղբյուրում

Related posts

«Եթե Նիկոլ Փաշինյանը հրաժարական տա առաջիկա շաբաթվա ընթացքում՝ ես դուրս կգամ քաղաքականությունից»

admishik

Անհնազանդությունը սկսվել է սոցիալական ծանր վիճակից, դժգոհությունից, 140 հազ․ մարդ գործազուրկ է

admishik

Ինչ է ասել ԱԱԾ-ին Արսեն Երևանսկին

admishik

Փաշինյանը շեղվել է իր մեծ֊մեծ խոստումներից.քաղաքացի

admishik

Փաշինյանն այլևս անպիտան է ու փորձում է վիրուսակիր լինելով խղճահարություն առաջացնել.Անի Զախարյան

admishik

Կորոնավիրուսի փաստը ժխտողներին պետք է դատել պատերազմի օրենքներով. Արտավազդ Սահակյան. «Երկրի հարցը»

admishik

Դուք 100 հոգով խնջույքի եք մասնակցում ու”Հայփոստի” մոտ թոշակ ստացողների նկարներն ե՞ք հրապարակում

admishik

Եթե մեկը Ալիեւին կառուցողական է համարում, էլ կոշիկ լիզելը պոզով-պոչո՞վ է լինում. Արա Սահակյան

admishik

Փաշինյանի աներձագն ընդունեց, որ արել ու անելու են զենքի վաճառք.Միհրան Հակոբյան

admishik