Պուտինը խորհուրդ է տվել օգնության գրավոր ընթացակարգ չսկսել aliqmedia

aliqmedia.am կայքը գրում է

Երեկ՝ նոյեմբերի 16-ի երեկոյան, հայկական կողմի նախաձեռնությամբ կայացած Նիկոլ Փաշինյան-Վլադիմիր Պուտին հեռախոսազրույցի ընթացքում Ռուսաստանի նախագահը Հայաստանի վարչապետին խորհուրդ է տվել գրավոր օգնության խնդրանքով չդիմել եւ նման ընթացակարգ չսկսել: Այս մասին «Ալիք Մեդիան» տեղեկացավ դիվանագիտական աղբյուրներից:

Փոխարենը, 15 րոպե տեւած հեռախոսազրույցի ընթացքում ռուսական կողմը արել է այլ քայլ: Պաշտպանության նախարար Սերգեյ Շոյգուն կապվել է իր հայ եւ ադրբեջանցի գործընկերների հետ, որից հետո ռազմական գործողությունները դադարեցվել են Հայաստան-Ադրբեջան սահմանի Գորիս/Սիսիան-Քարվաճառ/Լաչին հատվածներում:

Երեկ Երեւանը բանավոր հայտարարության մակարդակով դիմել էր Մոսկվային՝ 1997 թվականից երկու երկրների միջեւ գործող պայմանագրի համաձայն պաշտպանելու Հայաստանի տարածքային ամբողջականությունը, քանի որ Ադրբեջանը հարձակում էր գործել Հայաստանի ինքնիշխան տարածքի վրա:

«Սա բանավոր դիմում է, որը նաեւ գրավոր ընթացակարգ է ունենալու, բայց մենք ուզում ենք հանրությանը եւ մեր գործընկերներին տեղեկացնել, որ այսպիսի գործընթաց ենք սկսում»,- Հանրային հեռուստաընկերության եթերում հայտարարել էր Անվտանգության խորհրդի քարտուղար Արմեն Գրիգորյանը։

Ռուսաստանից բացի՝ Հայաստանը բազմակողմ դիվանագիտության շրջանակում երկրի տարածքային ամբողջականությունը պահպանելու եւ անվտանգության սպառնալիքներին դիմակայելու համար կարող է դիմել Հավաքական անվտանգության պայմանագրի կազմակերպությանը՝ ՀԱՊԿ-ին, որի ողնաշարը Ռուսաստանն է: Ամենայն հավանականությամբ, Հայաստանը օգնության իրավական գործընթաց չի սկսի նաեւ ՀԱՊԿ-ի դեպքում:

Երեկ ռազմաքաղաքական այս կառույցի խոսնակ Վլադիմիր Զայնետդինովը ՏԱՍՍ-ին ասել էր, որ ՀԱՊԿ-ն ուշադրությամբ հետեւում է հայ-ադրբեջանական սահմանի իրավիճակին՝ ընդգծելով, որ առայժմ կազմակերպությունը Հայաստանից պաշտոնական որեւէ դիմում չի ստացել։

Ինչո՞ւ են ՀԱՊԿ-ը եւ Ռուսաստանը անտեսում Երեւանի հանդեպ ստանձնած դաշնակցային պարտավորությունները, երբ ակնհայտ են ադրբեջանական կողմի պարբերական ներխուժումները Հայաստանի ինքնիշխան տարածք: Որո՞նք են այն կարմիր գծերը, եթե կան, որոնցից անդին Ռուսաստանն այլեւս չի լռի: Արդյոք տեղի ունեցող լոկալ բախումները մեծ պատկերի միայն մասնիկն են, որը, մեծ հաշվով, կարող է նաեւ սակարկության առարկա լինել Ռուսաստանի եւ Թուրքիայի/Ադրբեջանի միջեւ: Հիմքերն ու պատճառները կարող են բազմաթիվ լինել, որը վերլուծության թեմա է:

Related posts

Խաչատուր Սուքիասյանի եղբայրը 55 մլն դրամ գրավով ազատ է արձակվել

admishik

ՀՀ ԱԳ նախարար Արարատ Միրզոյանի և ԱՄՆ պետքարտուղար Էնթոնի Բլինքենի ջերմ հանդիպումը. Տեսանյութ

admishik

ՀՐԱՏԱՊ․ Ադրբեջանական կողմը կրակահերթեր է արձակել․ Իրավիճակը լարված է Բացառիկ Տեսանյութ

admishik

Գեղարքունիքի մարզպետը իրան պահումա շարքային ժուլիկի պես,ինքը թալանչիյա. լարված իրավիճակ Գեղամասարում. Տեսանյութ

admishik

Փաշինյանն ուժեղացված թիկնազորով ժամանեց խորհրդարան. այնտեղ է նաև ՊՆ նախարարը. Ինչ է կատարվում

admishik

Շտապ․Թշնամին նորից Կրակ է բացել․Բացառիկ Տեսանյութ

admishik

Ադրբեջանական զինուժը կրակ է բացել Կարմիր Շուկա գյուղի ուղղությամբ

admishik

Այո, ես շպիոն եմ․Ալեն Սիմոնյաը Սկանդալային բացահայտումներ է անում

admishik

«Փաշինյանը երկրորդ Դեմիրճյանն է, пվ ինչ пւզում է, ասի․Ազատանի 91-ամյա պապիկ

admishik