Ո՞ւմ էր ուղղված Նիկոլ Փաշինյանի խոսքը

«Ժողովուրդ» թերթը գրում է. «ՀՀ վարչապետ Նիկոլ Փաշինյանը բավական կոշտ է արձագանքել ՀՅԴ-ականների կողմից ՀԱԿ ակտիվիստ Վարդան Հարությունյանի նկատմամբ բռնությանը, դրանից հետո ՀՅԴ-ականների «Ես եմ ծեծել» ակցիային: Փաշինյանը նշել է. «Բանաձեւ կա՝ ազգային արժեքների համար մարդ ծեծել։ Սա ասում են էն ուժերը, որոնք ազգային արժեքների համար 25-30 տարի երկիրը թալանել են, թալանելիս ազգային արժեքների մասին ոչ մի խոսք»։

ՀՀ վարչապետը նաեւ ընդգծել է. «Եթե կազմակերպված ակցիա է, դրա իրավական գնահատականը պետք է փոխվի։ Եւ բոլոր այն մարդիկ, որոնք բռնություն են քարոզում, նրանք հատ-հատ բերվելու են պատասխանատվության, որեւէ մեկը թող մեր բարեկրթությունը չշփոթի թուլության հետ»:

Սակայն ՀՅԴ-ականները պնդում են, որ այդ խոսքերն իրենց չէին ուղղված: ՀՅԴ ԳՄ ներկայացուցիչ Իշխան Սաղաթելյանը «Ժողովուրդ» օրաթերթի հետ զրույցում հայտարարեց, թե վարչապետի հայտարարություններում ՀՅԴ-ին ուղղված որեւէ խոսք չի տեսել, այլ դրանք միայն անհասցե մեղադրանքներ են:

«Եթե Դաշնակցությանն է ուղղված, թող կոնկրետ ասեն, մենք էլ կխոսենք։ 25 տարի առաջ ՀՅԴ-ն բանտերում էր, 30 տարի առաջ էլ Արցախի սահմաններն էր պաշտպանում»,- «Ժողովուրդ» օրաթերթին ասաց Սաղաթելյանը։

Հիշեցնենք, որ վարչապետ Փաշինյանը այս տարվա հունվարին ՀՅԴ ընդհանուր ժողովին իր ուղերձում իշխող մեծամասնության անունից այդ կուսակցության հետ համագործակցության պատրաստակամություն էր հայտնել: Բայց այդ կոչը կարծես մերժվեց, ու ավելին՝ հիմա նրանց հարաբերությունները գնալով սրվում են: Պատահական չէ, որ ՀՅԴ-ականները պարբերաբար քննադատում են իշխանություններին, ընդ որում՝ բավական կոշտ` չմոռանալով տողատակերում նաեւ որոշակի սպառնալիքներ հնչեցնել»:

Առավել մանրամասն՝ թերթի այսօրվա համարում

Related posts

Ամեն օր աղոթում եմ Նիկոլ Փաշինյանի և նրա ընտանիքի համար. Արմինե Գրիգորյան․ՏԵՍԱՆՅՈՒԹ

admishik

Ով է կորոնավիրուսից մահացած 33-ամյա քաղաքացին. Արայիկ Հարությունյանը վշտացած է

admishik

Բոլոր ոստիկանները սրիկա են․ բողոքի ցույց ԱՄՆ դեսպանատան մոտ

admishik

Օգնե՛լ Հայաստանին․ Վրաստանում կոչ են անում կառավարությանը օգնել հարևան երկրին

admishik

Մեզ վերադարձրեք մեր ընտանիքներին, մեր նախկին կյանքին․ բժիշկը՝ քաղաքացիներին

admishik

Ունենք 33 տարեկան քաղաքացու մահ. Ոչ ոք` անկախ տարիքից, ապահովագրված չէ. Թորոսյան

admishik

Հիվանդանաք՝ դուք եք մեղավոր, չհիվանդանաք՝ էլի դուք եք մեղավոր. Արթուր Վանեցյան

admishik

«Հավատացեք՝ կորոնավիրուս կա»․ տեսանյութ կորոնավիրուսով վարակվածների առօրյայից.ուղարկեք սա այն մարդկանց,ով դեռ կասկածներ ունի

admishik

Գյումրիում ծեծի ենթարկված 13-ամյա աղջնակի խնամատարությունը ստանձնեց հորաքույրը

admishik