BarevBlog

Նիկոլ Փաշինյանը փաստացի հայտարարեց ապրիլյան պատերազմի մասին ամենակարևորը

ննիչ հանձնաժողովի նպատակը ոչ թե ինչ-որ մեկին պատժելն է, այլ ապրիլյան քառօրյա պատերազմի հանգամանքների լիարժեք ուսումնասիրումը, որպեսզի հետագայում բացառվեն դեպքերը, երբ հայկական զինուժը կարող է պատրաստ չլինել այդպիսի զարգացումների: Այդ մասին խորհրդարանում լրագրողների հետ ճեպազրույցում ասել է վարչապետ Նիկոլ Փաշինյանը՝ փաստացի հայտարարելով ապրիլյան քառօրյա պատերազմի քննիչ հանձնաժողովի ստեղծման քաղաքական որոշման շրջանակում ամենակարևորը:
Գործնականում Նիկոլ Փաշինյանն արձանագրել է այն, ինչի մասին ընթերցողների հետ խոսել ենք նրա մայիսի 20-ի ելույթից գործնականում անմիջապես հետո՝ արձանագրելով, որ այդ ելույթն ընդհանրապես շատ ավելի լայն քաղաքական և ռազմաքաղաքական համատեքստ պարունակող գործընթացի մաս էր, և գլխավոր խնդիրը Հայաստանի ոչ միայն ռազմական, այլև քաղաքական կենսունակության և իմունային ամուր համակարգի ձևավորումն է:

Ապրիլյան քառօրյա պատերազմը, ինչպես թերևս ցանկացած պատերազմ, ունի պատճառ ոչ միայն հակառակորդի ագրեսիայի տեսքով: Ադ ագրեսիան և ռազմատենչությունն անշուշտ առաջնայինն են՝ որպես պատերազմի պատճառ, սակայն մյուս կողմից՝ Ադրբեջանը բացարձակապես զուրկ է այնպիսի աշխարհաքաղաքական կշռից, որ լինելով ագրեսիվ և ռազմատենչ, այդուհանդերձ, ինքնուրույն որոշի՝ հարձակվե՞լ Արցախի և Հայաստանի վրա, թե՞ ոչ:

Ադրբեջանն այդպիսի որոշում կարող է կայացնել ռազմաքաղաքական լայն հանգամանքների, այսպես ասած, բարեհաջող դասավորության դեպքում: Իսկ դա ներառում է բազմաթիվ գործոններ, բնականաբար այդ թվում նաև միջազգային քաղաքականության համատեքստում, ուժային կենտրոնների վարքագծի և որոշումների համատեքստում:

Այդ մասին էլ մենք բավականաչափ խոսել ենք և անկասկած դեռ կխոսենք: Սակայն տվյալ պարագայում Հայաստանի խնդիրը շատ պարզ է: Եթե եղել է պատերազմ, ապա բնականաբար ապահովվել է Ադրբեջանի ագրեսիվության պատերազմական դրսևորման ռազմաքաղաքական միջավայր:
Հետևաբար Հայաստանը՝ բնականաբար ներառյալ Արցախը, որ եղել է այդ պատերազմի, ագրեսիայի թիրախ, խնդիր ունի հասկանալու, թե արդյոք ունեցե՞լ է Ադրբեջանի պատերազմ սկսելու սանձարձակությանը լեգիտիմություն հաղորդած ռազմաքաղաքական մթնոլորտի ձևավորման հարցում իր թերացումը: Սա ներառում է թե՛ զինուժի կառավարման, թե՛ քաղաքական «ծրագրավորման» ասպեկտները:

Խորհրդարանի քննիչ հանձնաժողովն էլ այդ առումով այն ձևաչափն է, որը կարող է համադրել այդ երկու ասպեկտների զուգահեռ, փոխլրացնող ուսումնասիրությունը, պատկերը, ըստ այդմ՝ Հայաստանի հնարավոր, իսկ մեր գնահատմամբ՝ ակնառու մի շարք բացթողումներ վեր հանելու, արձանագրելու և ըստ այդմ՝ մոտ կամ հեռու ապագայում դրանք բացառելու համար:
Ապրիլյան քառօրյայից հետո անվտանգության միջազգային միջավայրն ու ռիսկերի գեներացման հանգամանքները ոչ միայն չեն նվազել, այլև թերևս բազմապատկվել են: Ըստ այդմ՝ Հայաստանի համար անվտանգության առանցքային խնդիր է դառնում դրանց կանխարգելիչ կարողությունների բարձրացումը, որին պետք է միտված լինի ապրիլյան պատերազմի հանգամանքների ուսումնասիրման քննիչ հանձնաժողովի աշխատանքը: Թավշյա հեղափոխությունից հետո քաղաքական նոր իրավիճակը տալիս է դրա հնարավորությունը, թեկուզ ավելի քան երեք տարի անց:

Սա այն դեպքն է, երբ տեղին է «լավ է ուշ, քան երբեք» արտահայտությունը, որպեսզի ձգտենք «երբեքի» հասցնել Ադրբեջանի ագրեսիվության պատերազմական դրսևորման ռազմաքաղաքական մթնոլորտի ձևավորման հավանականությունը:

1in.am

Related posts

«Ավրորա»-ն դարձել է խաղաղության Նոբելյան մրցանակի հայկական տարբերակը․ Նիկոլ Փաշինյանի ելույթը

admishik

Հայ ժողովուրդը հումանիզմ աղերսողից վերածվեց հումանիզմ սփռողի. Աննա Հակոբյա

admishik

Երևանը մեր ժողովրդի միասնության սիմվոլն է. Փաշինյան

admishik

Մենք մաշելու ենք մեր առողջությունը, որ Երևանը դառնա աշխարհի հզորագույն քաղաքներից մեկը. Մարության

admishik

Վարչապետը տեղադրել է փազլի վերջին կտորն, այն ուղղված է գյումրեցիների բնակարանային խնդիրների լուծմանը

admishik

Ուղղակի հիշենք և համեմատենք.ՏԵՍԱՆՅՈՒԹ

admishik

ԲԱՑԱՌԻԿ կադրեր Նիկոլի երեխաները ՔԿՀ-ի դիմաց։ Ո՞վ է ԱԱԾ-ի նոր տնօրենը։

admishik

Աննա Հակոբյանը դուստրերի հետ մարզվում է մարզադահլիճում

admishik

Քոչարյանի աջակիցները Մարությանին նվիրեցին Ռոբերտ Քոչարյանի գիրքը

admishik