«Նիկոլի ձագն է, դրա համար էլ պաշտոնի նշանակեցին». ծեծված փոխգնդապետի եղբայրը`Տրդատ Սարգսյանին պաշտոն տալու մասին

Եղեգնաձորում մոտ 10  ամիս առաջ  ծեծի հետեւանքով կոմայի մեջ գտնվող փոխգնդապետ Արա Մխիթարյանի հարազատները սխալ են համարում Վայոց Ձորի նախկին մարզպետ Տրդատ Սարգսյանին նոր պաշտոնի նշանակելը: NEWS.am-ին փոխգնդապետի եղբայրը` Կարեն Մխիթարյանը ասաց, որ պետք է սպասեին գոնե դատաքննությանը, քանի որ նոր հանգամանքներ կարող էին ի հայտ գալ:

«Նիկոլի ձագն է, դրա համար էլ պաշտոնի նշանակեցին: Բայց սխալ էր պաշտոն տալը այս պահին, որովհետեւ դեռ դատաքննությունը չի սկսվել եւ հնարավոր է, որ նոր հանգամանքներ  ի հայտ գային: Քննչականը, որ նրա վրայից մեղքը հանել է, դա չի նշանակում, որ մասնակցություն չի ունեցել»,- ասաց նա:

Նա հավելեց, որ եղբոր վիճակում որեւէ փոփոխություն չկա, նա շարունակում է գտնվել կոմայում:

Նշենք, որ երեկ «Քաղաքացիական պայմանագիր» կուսակցության վարչության որոշմամբ Տրդատ Սարգսյանը նշանակվել է կուսակցության աշխատակազմի ղեկավար։

Հիշեցնենք, որ մարտի 6-ին, Վերաքննիչ քրեական դատարանը բավարարել էր փոխգնդապետին ծեծի ենթարկելու գործով մեղադրյալ Զավեն Գրիգորյանին ազատ արձակելու՝ փաստաբանի ներկայացրած միջնորդությունը եւ մեղադրյալը 1 միլիոն 500 հազար դրամ գրավով ազատ էր արձակվել։ Արա Մխիթարյանը 8 ամսից ավելի է` կոմայի մեջ է։

Այս գործով մեղադրանք է առաջադրվել Վայոց Ձորի նախկին մարզպետի օգնական Հարություն Գրիգորյանին, մեղադրյալի կարգավիճակում է նաեւ նրա եղբայրը՝ Զավեն Գրիգորյանը։ Միջադեպից մեկ շաբաթ անց Վայոց Ձորի մարզպետի պաշտոնից հրաժարական էր տվել Տրդատ Սարգսյանը, որը, ըստ շրջանառվող տեղեկությունների եւ որոշ վկայությունների՝ դեպքի վայրում է եղել։

Այդ վկայությունները տվել են դեպքին ականատես 4 սպաները, որոնք ասել են, որ նախկին մարզպետը եղել է դեպքի վայրում եւ հետեւել է միջադեպին` չկանխելով այն: ՔԿ-ն ժխտել էր այս հանգամանքը՝ հայտնելով, որ Վայոց ձորի նախկին մարզպետ Տրդատ Սարգսյանը 2019թ. սեպտեմբերի 17-ին տեղի ունեցած վիճաբանությանն ականատես չի եղել, դեպքի վայրում չի գտնվել:

Related posts

«Կերանք, խմեցինք, շատ լավ օր անցկացրեցինք». Գեղարդի ձորում կրկին մարդաշատ է

admishik

ՊՆ-ն հերքում է լուրը, թե թուրքական կործանիչները օդային հարվածի հեռավորության վրա մոտեցել են Երևանին

admishik

Հայկական կողմի արձագանքը՝ հակառակորդի սադրանքներին. Հզոր Տեսանյութ

admishik

Կորոնավիրուսի 52 նոր դեպք Հայաստանում. կա 8 մահ

admishik

Ինչ եղանակ է սպասվում առաջիկա օրերին

admishik

Ինձ համար սա երազ ա, որ ես քնում եմ արթնանում եմ էս տան մեջ․Մեխակը շատ գոհ իր նոր տնից, Սիփան Փաշինյանից և բոլոր բարերարներից

admishik

Քարտեզի տվյալները թարմացվել են, նաև նշվում է վարակվածների սեռը, տարիքը և հասցեն․ Տեսեք ով կա ձեր շենքում, կամ հարակից տարածքում

admishik

ԲԱՑԱՌԻԿ ՏԵՍԱՆՅՈՒԹ. Երևանում վայրկանների ընթացքում հանցագործը գողանում է Porsche Cayenne-ի լուսարձակը

admishik

Աննա Հակոբյանի հրաշալի առաջարկը.Կեցցեք

admishik