Մարտի 1-ի զոհերի իրավահաջորդները դատի են տվել Մարգարիտա Խաչատրյանին, Սաթենիկ Խլղաթյանին եւ Նարեկ Մութաֆյանին․ՄԱՆՐԱՄԱՍՆԵՐ


Մարտի 1-ի 9 զոհերի իրավահաջորդները դատի են տվել «Զինվորի մայր» ՀԿ-ի նախագահ Մարգարիտա Խաչատրյանին, «Մեզ բացակա չդնեք» ՀԿ ղեկավար Սաթենիկ Խլղաթյանին: Այս մասին տեղեկանում ենք դատական տեղեկատվական համակարգից:
Հայցը ներկայացրել են Սարգիս Քլոյանը, Վաչագան Ֆարմանյանը, Ռուզաննա Հարությունյանը, Ալլա Հովհաննիսյանը, Էդիկ Հարությունյանը, Մարիամ Հովհաննիսյանը, Լիլիա Մինասյանը, Ջեմմա Վարդումյանը, Վարդուհի Բաղդասարյանը:
Նրանք պահանջում են պատվին եւ արժանապատվությանը պատճառված վնասի հատուցում:
Հայցը ներկայացվել է հունվարի 22-ին եւ մակագրվել Երեւան քաղաքի ընդհանուր իրավասության դատարանի դատավոր Լիզա Գրիգորյանին:
Մարտի 1-ի իրավահաջորդների ներակայացուցիչ Տիգրան Եգորյանը մեր զրույցում ասաց, որ Մարգարիտա Խաչատրյանից եւ Սաթենիկ Խլղաթյանից պահանջում են ներողություն խնդրել իրենց կատարած հայտարարության համար:
Հարցին՝ ի՞նչ հայտարարության մասին է խոսքը, Եգորյանը պատասխանեց. «Խոսքը վերաբերում է Մարտի 1-ի զոհերին եւ այդ հավաքներին դրսում տեղի ունեցող իրադարձությունների մասնակցության որակման մասին: Նրանք հայտարարել են, թե այդ մարդիկ դուրս էին եկել՝ փողոցային թալան իրականացնելու, իշխանակռիվ տալու: Մարտի 1-ին փողոց դուրս եկած՝ առնվազն Սահմանադրական պահանջ ներկայացնող քաղաքացիներին, այդ թվում՝ առնվազն իմ կողմից ներկայացվող 9 զոհերին, որեւէ կերպ չի կարելի վերագրել այդ գործողությունները»:
Փաստաբանը նշեց, որ, բացի ներողությունից, այլ պահանջ չունեն նրանցից:
Բացի դրանից Մարտի 1-ի զոհերի իրավահաջորդները նույն պահանջով դատի են տվել նաեւ Ռոբերտ Քոչարյանի աջակից Նարեկ Մութաֆյանին:
Անդրադառնալով հարցին, թե ինչո՞ւ են Մութաֆյանի դեմ հայց ներկայացրել, Եգորյանը պատասխանեց. «Նա հայտարարել էր իբր 30 միլիոն դրամով ազգականների շիրիմը վաճառելու մասին»:
Հարցին՝ ի՞նչ են պահանջում Մութաֆյանից, նա պատասխանեց. «Նարեկ Մութաֆյանը պետք է հատուցի գումարով: Մեր գնահատմամբ՝ դա պետք է լինի առավելագույն գումարը, որ հնարավոր է պահանջել վիրավորանքի համար՝ 1 մլն դրամ»:
Այս հայցն էլ մակագրվել է Երեւան քաղաքի ընդհանուր իրավասության դատարանի դատավոր Արմենուհի Բադիրյանին:

Related posts

Ոչ մի բան էլ չի փոխվել. երեխաները՝ Փաշինյանին

admishik

Էս կանֆետը կարա՞մ տանեմ Արփիին տամ. Փաշինյանը՝ բնակչին

admishik

Բա դու հանրապետակա՞ն չէիր. բնակիչներից մեկը՝ վարչապետի հետ լուսանկարվողին

admishik

Տնաշեն, բա ասա, տանջվում, հաշվում եմ. վարչապետը հետաքրքրվեց բնակիչների աշխատավարձերի բարձրացմամբ

admishik

Ցավդ տանեմ Փաշինյան ջան չեք հիշո՞ւմ ինձ․Զվարճալի միջադեպ վարչապետի հետ

admishik

Նիկոլ Փաշինյանը հանդիպեց այն քաղաքացուն ով տարիներ առաջ նրան ասել էր դուք Սեռժի մարդն եք

admishik

Դուք Սերժի մարդն եք. չեք հիշո՞ւմ, որ Ձեզ սենց բան եմ ասել. բնակիչը՝ վարչապետին

admishik

Բացահայտվել է պաշտոնատար անձի կողմից առանձնապես խոշոր չափերի դրամական միջոցների հափշտակման դեպք

admishik

Փաշինյանի միջնեկ դուստրը դատի է տվել Նարեկ Սամսոնյանին

admishik