«Հո չե՞ք մոռացել, որ հեղափոխականները եկել են կոռուպցիան քոքահան անելու. Դիմակ հագեք»․ Լիզա Ճաղարյան

Լիզա Ճաղարյանն իր ֆեյսբուքյան էջում գրել է․

Իրոք` շատ համառ ժողովուրդ ենք։


Երկու տարուց ավելի է` հեղափոխական ճանապարհով իշխանության հասած պարոնայք եւ տիկնայք իրենց գործունեությամբ մոլեգին տքնանքով ապացուցում են, որ հեղափոխությամբ են եկել, բայց ամենեւին էլ հեղափոխական չեն, իսկ Հայաստանի հպարտ քաղաքացիներս շարունակում էինք համառորեն արդարացումներ պեղել կատարված եւ կատարվող անհեթեթ ու անտրամաբանական քայլերի համար։

Դե, ցուցարարների հանդեպ առանձնահատուկ դաժանությամբ աչքի ընկած Ռոբերտ Մելքոնյան–բազազի աջ թեւ Վալերի Օսիպովին Նիկոլ Փաշինյանը նշանակեց ոստիկանապետ, որովհետեւ, բա չգիտեի՞ք` միակ չկոռումպացվածն էր ոստիկանական համակարգում. հո չե՞ք մոռացել, որ հեղափոխականները եկել են կոռուպցիան քոքահան անելու եւ կոռուպցիոներներին ասֆալտին փռելու նպատակով։

Արթուր Վանեցյանին էլ ԱԱԾ պետ նշանակեց, որովհետեւ Ալեն Սիմոնյանի ընկերն էր։ Պետք է վստահելի մարդ լինի, չէ՞, բա Ալենի ընկերոջից ավելի վստահելի որտեղի՞ց գտներ էդ կողմերում։

Վազգեն Մանուկյանից էլ ներողություն խնդրեց, որովհետեւ հեղափոխությունը թավշյա է։ Ներողություն խնդրեց, որ պարոն Մանուկյանը հիշի, թե որտեղից ուր է հասել, ուշքի գա, հիշի իր «հեղափոխական» անցյալը, դուրս գա նախկինների ծոցից եւ մտնի նորօրյա հեղափոխականների ծոցը։ Դե, դուրս չեկավ, Նիկոլն ի՞նչ մեղավոր է, որ ռոբասերժիկների ծոցն ավելի «արդյունավետ» տաք է։
Սրանք դեռ առաջին քայլերն էին, հետոն այնքան «գունագեղ» է, որ եթե գրեմ` օրը չի բավականացնի։

Եվ այսպես, Հայաստանի հպարտ քաղաքացիները որքա՛ն համառորեն են հույս փայփայում, որ իրենց թանկագին իշխանությունների «տարօրինակությունները» ժամանակավոր, անցումային քայլեր են, հեսա–հեսա կտեսնեք, թե ինչեր են լինելու, այս հեղափոխական իշխանություններն նույնքա՛ն եւ ավելի համառությամբ շարունակում են այնպիսի անակնկալներ մատուցել, որ գուցեեւ հպարտ քաղաքացիների հույսը շարունակի չմարել, բայց խոսելու ունակությունը մի օր հաստատ կկորցնեն։ Ապշահարությունից։

Սահմանադրական դատարանի թեկնածուների զարմանահրաշ ընտրությամբ` Նիկոլ Փաշինյանը եւ նրա հաստատած ցուցակով կազմավորված ԱԺ «Իմ քայլը» խմբակցության փառապանծ պատգամավորները դրեցին իրենց եւ արժանապատիվ հասարակության միջեւ օրեցօր խորացող անջրպետի հիմնաքարը։

Այսօրը պատմաբեկումնային էր։

Առանց դույզն–ինչ չափազանցության։

Կարող ենք նույնիսկ շնորհավորել միմյանց, որ վերջապես պատրանքազերծվեցինք։

Այսուհետ պետք է սառնասրտորեն, առանց ավելորդ զգայական պոռթկումների մտածենք, թե ինչպես ենք պայքարելու ոչ միայն հանցագործ նախկինների, այլեւ` «թավշյա» հեղափոխականների դեմ։

Նույնիսկ պետք է պատրաստ լինենք, որ մի օր էլ արթնանալու ենք եւ տեսնենք, որ Մարտի 1–ի գործը կարճվել է մեղադրանքների չհիմնավորվածության պատճառով` սրանից բխող հետեւանքներով։

Մի շտապեք ասել` չի՛ կարող պատահել։

Իսկ ամենավառ երեւակայություն ունեցողն անգամ կարո՞ղ էր պատկերացնել, որ հեղափոխական Ազգային ժողովի իմքայլականները կարող են Սահմանադրական դատարանի դատավոր ընտրել մի մարդու, որը Ա1+ հեռուստաընկերության փակումն իրականացնողն էր։ Այդ հեռուստաընկերությունը միակն էր Հայաստանում, որ չէր ծառայում Ռոբերտ Քոչարյանին։ Այդ հեռուստաընկերության փակումից հետո Հայաստանի հեռուստադիտողները տասնյակ տարիներ զրկված էին ճշմարտություն լսելու իրենց սահմանադրական իրավունքից։ Այդ հեռուստաընկերության փակումից հետո սկսվեց մարդկանց ուղեղների լվացումը, մանկուրտների բազմացումը, անկախացած Հայաստանի պատմության անխնա խեղաթյուրումն ու կեղծումը, պատերազմի ու հաղթանակի տարիները «մութուցուրտ» ներկայացնող ուրացողների քոչվորական անսանձ արշավանքը…

Ի դեպ, այդ հեռուստաընկերության փակումից հետո բողոքի ակցիաներին մեզ հետ մասնակցում էր նաեւ Նիկոլ Փաշինյանը։ Բուռն եւ թավիշից յոթ սարուձոր հեռու կրքոտությամբ։

Ամենապրպտուն ուղեղ ունեցողն անգամ կարո՞ղ էր երեւակայել, որ Սահմանադրական դատարանի դատավորի թեկնածուին «չորով» մերժած ԱԺ իմքայլականները ժամանակ անց այդ նույն մերժվածին ընտրելու են ամենաբարձր «ցուցանիշով» եւ հիացմունքից հալվող ժպիտներով։

Դժվար թե պատկերացնեիք կամ երեւակայեիք, եթե առողջ դատողությունը չեք կորցրել։

Դիմակ հագեք։

Related posts

Եթե կարողանաս մեջդ ուժ գտնել և տալ այս հարցերի պատասխանը, կնշանակի, որ…Արտակ Գալստյանի ջախջախիչ գրառումը ուղղված Ծառուկյանին

admishik

Կոտայքի մարզում խաչքարն ընկել է 52-ամյա տղամարդու վրա. նա մահացել է

admishik

Երևանի մի շարք հասցեներում 11 ժամ գազ չի լինի

admishik

Տղամարդը սպանել է քրոջը, դանակահարել նրա որդուն, ապա ինքնասպան եղել

admishik

ԱԱԾ-ն բացահայտել է Արաբկիրի նախկին թաղապետի կողմից կոռուպցիոն մեխանիզմների գործադրման և խարդախության դեպքեր

admishik

ՄԻՋՆՈՐԴԵՑԻՆ ՄԱՆՎԵԼ ԳՐԻԳՈՐՅԱՆԻ ԳՈՐԾԸ ԿԱՍԵՑՆԵԼ՝ ԾԱՆՐ ՀԻՎԱՆԴՈՒԹՅՈՒՆՆԵՐԻ ՊԱՏՃԱՌՈՎ

admishik

Երկիրը կանգնած է պատերազմի շեմին, իսկ «վարչապետ» Փաշինյանը կաֆե-ռեստորաններում է պտտվում

admishik

Ես կույր չեմ, ինչպես որ բոլորդ, ես էլ տեսնում ու զգում ներկայիս կառավարության սխալներն ու բացթողումները, բայց…Օգտատիրոջ սատարող խոսքը վարչապետի գործունեության մասին

admishik

Մարիամ Փաշինյանն ակումբում պարում է «Անապատի արև» երգի ներքո. ՏԵՍԱՆՅՈՒԹ

admishik