ՀՀ ազգային ժողով զրահաբաճկոնով և «զարմանալիորեն» առանց սաղավարտի ժամանած գերագույն վախկոտը… Սեյրան Օհանյանը պատասխանում է Նիկոլ Փաշինյանին

Վախեցած և բունկերներում ինքնամեկուսացած, զինվորի վարտիքի մեծագո՛ւյն մասնագետ, դու ի՛նչ գիտես՝ առաջնագիծն ինչ է, երբևիցե առաջնագծում եղե՞լ ես, որտեղ հակառակորդը 50 մետր հեռավորության վրա է կամ ավելի քիչ։ Այս մասին այսօր՝ հունվարի 21-ին, իր ֆեյսբուքյան էջում գրում է ԱՀ եւ ՀՀ պաշտպանության նախկին նախարար, «Արցախի հերոս» Սերյան Օհանյանը՝ արձագանքելով Նիկոլ Փաշինյանի՝ նախօրեին Ազգային ժողովում կառավարության հետ հարցուպատասխանի ընթացքում հնչեցրած գնահատականներին։

Գրառման մեջ, մասնավորապես, ասվում է. «ՀՀ ազգային ժողով զրահաբաճկոնով և «զարմանալիորեն» առանց սաղավարտի ժամանած գերագույն վախկոտը, որն Արցախյան առաջին պատերազմում չի զորակոչվել՝ թաքնվելով իր եղբայրների հետևում, ապրիլյան պատերազմից հետո ընդամենը նկարվել է խորը թիկունքում, իսկ երրորդ պատերազմում Արցախը «նվիրել» թուրքին,

պատգամավորների հարցերին պատասխանելիս «մանևրում» էր՝ իր ձախողումները նորից բարդելով բանակի նախկին ղեկավարների վրա, չգիտես ինչու, անիմաստ անդրադառնալով առաջնագծի լարային արգելափակոցներին։

Վախեցած և բունկերներում ինքնամեկուսացած, զինվորի վարտիքի մեծագո՛ւյն մասնագետ, դու ի՛նչ գիտես՝ առաջնագիծն ինչ է, երբևիցե առաջնագծում եղե՞լ ես, որտեղ հակառակորդը 50 մետր հեռավորության վրա է կամ ավելի քիչ։

Այսօր աշխարհի ամենահագեցած, արդիական տեսադիտարկման համակարգերով համալրված սահմաններում անխտիր բոլոր ինժեներական սարքավորումների մաս են կազմում լարային արգելափակոցները, իսկ մեր պայմաններում՝ հատկապես լեռնաանտառային և կտրտված անտեսանելիության տեղանքներում, ձեռքի տակ եղած բազմաթիվ միջոցների ձայնային ազդանշանները փակել և հիմա էլ փակում են այն բացերը, որոնք չի կարող տեսնել ցանկացած դիտարկման սարք։

Դու չե՛ս գնա առաջնագիծ, որից ինժեներական առումով կահավորված 185 կիլոմետրը հանձնեցիր թուրքերին․ անկեղծ ասած, ո՛չ համարձակություն ունես, ո՛չ էլ այլևս իրավունք։ Բայց հարցրո՛ւ հրամանատարից ու զինվորից և կհասկանաս տեղում նրանց կողմից ստեղծագործված ազդանշանային լարային արգելափակոցների կարևորությունը։

Դու նաև գերեվարվածների հարցը անբարո կերպով փորձեցիր մանիպուլյացնել, այնինչ պարտավո՛ր էիր լուծել որպես ահաբեկիչ պահվող հայ զինվորականների, քաղաքացիների վերադարձի և անհետ կորածների հարցը։

Սակայն ազգային ժողովում էլի բարբաջեցիր դեղին մամուլի՝ չարախոսություն, բամբասանք տարածողի մակարդակից։

Քո հեռանալը հայ ժողովրդի և մեր պետականության փրկության հրամայակա՛նն է»։

https://www.facebook.com/SeyranOhanyan88/posts/4435358269811186

Related posts

«Հանգիստ,հանգիստ, քո հետևից կգան» Փաշինյանը՝ իր վրա բղավող քաղաքացուն

admishik

Թավիշի համար էինք ջղայնանում վերջապես վերջ թավիշին․Ես ընդմիշտ Նիկոլ Փաշինյանին աջակցելու եմ. Քաղաքացի

admishik

ՇՏԱՊ․ՊՆ-ն Քիչ առաջ հայտարարություն տարածեց

admishik

Մի ամբողջ սերնդի արյուն խմեց. քաղաքացին՝ Փաշինյանի մասին

admishik

Նիկոլ Փաշինյանի առաջնորդությամբ մեկնարկել է իշխանության երթը

admishik

Ես դժգոհ չեմ, որ եղբայրությունը վերականգնելիս ենք ձախողել․ Փաշինյան

admishik

Այսօրվա թեմատիկ խփոցիները. 25.02.21

admishik

Անվտանգության աշխատակիցները 3 շղթայով օղակ են կազմել երթ անող Նիկոլ Փաշինյանի շուրջ

admishik

Մովսես գյուղի հոգևոր հովվի առաջնորդությամբ ցույցի մասնակիցներն աղոթք արեցին

admishik