Իր մեղքն ունի Ապրիլյան պատերազմի հարցում, և հիմա պետք է գնահատվի՝ ում մեղքն ինչքան է


Նախկին վերնախավի մեջ ամեն մեկն իր մեղքն ունի Ապրիլյան պատերազմի հարցում, և հիմա պետք է գնահատվի՝ ում մեղքն ինչքան է

«Առաջին լրատվական»-ի զրուցակիցն է «Միացյալ Հայաստան» կուսակցության նախագահ, Մարտական խաչի ասպետ Վահան Բադասյանը։

-Պարոն Բադասյան, տեղյա՞կ եք, որ Հայաստանի խորհրդարանում ստեղծվել է Ապրիլյան պատերազմի հանգամանքներն ուսումնասիրող քննիչ հանձնաժողով։ Ի՞նչ ակնկալիքներ կան, ի՞նչ բացահայտումների ականատեսը կարող ենք լինել։

–Ուրախ եմ, որ ստեղծվել է այդպիսի հանձնաժողով։ Վերջին տարիներին ես բազմիցս նշել եմ, որ Ապրիլյան պատերազմի գլխավոր պատասխանատուները պետք է պատասխանատվության ենթարկվեն։ Ես մտահոգություն ունեմ, որ հանկարծ հարցը չքննարկվի ոչ պրոֆեսիոնալ մակարդակով և հարցը չգնա այլ ուղղությամբ, իրական մեղավորները պետք է պատասխանատվություն կրեն, և ոչ անմեղները կամ այդ իրադարձությունների հետ կապ չունեցողները։ Հույս ունեմ, որ նպատակը դա է, որովհետև եթե սխալ գնահատական տրվի՝ կստացվի, որ իրական մեղավորների մեղքերը օրինական ձևակերպում են ստանում։ Ես չէի ցանկանա, որ այդպես լիներ։
-Նիստերն անցկացվելու են դռնփակ ռեժիմով, կարծում եք՝ ձևաչափը ճի՞շտ է ընտրված հասարակությանը շոկային մանրամասների չիրազեկելու իմաստով։

–Իհարկե, աշխատանքները պետք է դռնփակ անցկացվեն, և հետո եզրակացությունը կհրապարակվի։ Ես այդտեղ սկզբունքային հարց չեմ տեսնում, կարևորը, որ ճիշտ ուղղությամբ շարժվեն։

-Քանի որ այս նախաձեռնությունն ի հայտ եկավ դատաիրավական բարեփոխումներ անցկացնելու ֆոնին, կան տեսակետներ, որ սա նախկինների դեմ պայքարի ևս մեկ միջոց է, օրինակ, Դաշնակցության ներկայացուցիչները իրենց հանրահավաքի ընթացքում դեմ արտահայտվեցին վարչապետի այս նախաձեռնությանը։

–Իհարկե, Ապրիլյան պատերազմի պատասխանատուներին դա դուր չի գա։ Իսկ Ապրիլյան պատերազմի պատասխանատուները այն ժամանակվա օրվա գերագույն գլխավոր հրամանատարից սկսած մինչև զորամասի հրամանատարներն էին, որտեղ կորուստներ են եղել։ Բոլորն էլ պատասխանատու են և պետք է ենթարկվեն պատասխանատվության։ Դաշնակցությունը ևս ունի պատասխանատվություն, ո՞րն է դա։ Ըստ իս՝ այն, որ մաս են կազմել այն ժամանակվա իշխանությանը, եղել կոալիցիայի մեջ՝ լեգիտիմացրել նրանց անօրինականությունները։ Իսկ Ապրիլյան պատերազմի մեր կորուստները հետևանք են մի քաղաքականության, որ օրվա իշխանությունը թալանում էր ու չէր հզորացնում բանակը, տնտեսությունը թուլանում էր, բանակում մինիմալ ներդրումներ չէին արվում, հակառակորդն էլ ուժեղանալով, մեծացրեց իր պաշտպանվածությունը ու հարձակվեց՝ հույս ունենալով հաջողություններ գրանցել։ Այն, որ մենք ունեցել ենք կորուստներ, իսկ հակառակորդը՝ հաջողություններ, այն պատճառով է, որ մենք ունեցել ենք սխալ և, կարելի է ասել՝ ազգակործան քաղաքականություն, որին մաս է կազմել Դաշնակցությունը։ Քաղաքական վերնախավի մեջ ամեն մեկն իր մեղքն ունի, և հիմա պետք է գնահատվի՝ ում մեղքն ինչքան է։ Սա չի կարելի համարել ինչ-որ բանի շարունակություն։

Բայց փաստ է նաև այն, որ այսօրվա իշխանություններն ի զորու չեն կատարել հեղափոխության պահանջները, և ցանկացած քայլ իրենց կողմից նախկինների կողմից կարող է դիտվել որպես հետապնդում։ Բայց դա այդպես չէ, պարզապես իշխանությունները չեն կարողանում քրեականորեն հետապնդել ու պատասխանատվության կանչել նախկին իշխանություններին։

-Արցախի ղեկավարությունը պե՞տք է մասնակցություն ունենա այդ հանձնաժողովի աշխատանքներին։

-Առանց Արցախի ինչպե՞ս կարող է հանձնաժողովն աշխատանք տանել։ Բոլորը պետք է ներգրավվեն։

-Վարչապետ Փաշինյանը խոսել էր նաև Արցախից եկող որոշակի դավադրությունների մասին։ Այս կոնտեքստում ինչպե՞ս հասկանալ նախկին պաշտոնյաների այցերն Արցախ այս օրերին՝ Կարեն Կարապետյան և նաև նախկին համակարգի մաս կազմող Հրայր Թովմասյան։ Արդյոք սրանք այդ դավադրությունների՞ շարքից են։

–Ես կարծում եմ՝ ամեն ինչ էլ հնարավոր է, և այդ գործողությունները շարունակվում են։

-Նկատի ունեք դավադրություննե՞րը։

-Այո։

Related posts

7 մարդ մահացել է. Մեկ օրում կորոնավիրուսից ապաքինվել է 207 անձ. մանրամասներ

admishik

Արսեն Թորոսյանը պետք է դատվի նյուրնբերգյան ընթացակարգով. Կարեն Վարդանյան

admishik

Տիգրան Ավինյան, Արսեն Թորոսյան, ԱԱԾ տնօրեն. Փաշինյանի սեղանին դիմումներ կան. «Հրապարակ»

admishik

Պետությունը քեզ համար արժեք չէ․ Պարույր Հայրիկյանը՝ Նիկոլ Փաշինյանին

admishik

Պարոն Ծառուկյանը պարզապես մտահոգված է մի շարք քրեական գործերի ընթացքով, որոնք վերաբերվում են փողերի լվացմանը, ընտրակաշառք բաժանելուն, հարկերից խուսափելուն, կոռուպցիային. վարչապետի խոսնակ

admishik

«Սկսում ենք հանդիպումներ խորհրդարանի ներսի և դրսի ուժերի հետ. Փաշինյանն օր առաջ պետք է հեռանա»

admishik

Փաշինյանին հատուկ «պադստավկա» արեցին, նրա խոսքն էլ չի անցնում ժողովրդի մոտ

admishik

«Ո՞ր մի փողատերը կգա մի երկիր, որտեղ հայտարարում են՝ փռեմ, ծեփեմ պոլին, պատին». Գագիկ Ծառուկյան

admishik

«Արսեն Թորոսյանն ական է՝ դրված Ձեր աթոռի տակ, պարո՛ն վարչապետ. ազատվե՛ք». պրոֆեսոր Գարիկ Աղաբեկյան

admishik