Ի՞նչ պատահեց. Շտապ հանդիպում Բակո Սահակյանի հետ


Գագիկ Հարությունյանի հրաժարականին հետեւել է ԱԱԾ պետի տեղակալի պաշտոնից նրա եղբոր՝ Արզուման Հարությունյանի պաշտոնանկությունը, Հայաստանի նախագահի հրամանագրով: Նախագահ Արմեն Սարգսյանն այդ քայլը չէր անի առանց վարչապետ Նիկոլ Փաշինյանի, որի ենթակայությամբ կառույց է ԱԱԾ-ն:
Հաղորդագրության մեջ չի նշվում, որ Արզուման Հարությունյանը հրաժարական է տվել կամ ազատվել է իր դիմումի համաձայն, ըստ այդմ նրա պաշտոնանկությունը վարչապետ Փաշինյանի նախաձեռնությունն է, որն էլ ստորագրում է Արմեն Սարգսյանը:

Ուշագրավ է այն, որ այս օրերին բուռն թափով ծավալված ներքաղաքական զարգացումները, որ ընթանում են դատաիրավական համակարգի կամ այլ կերպ ասած դատական իշխանության առանցքով, սկսեցին Ռոբերտ Քոչարյանի վերաբերյալ դատավճռից, որով նա հայտնվեց ազատության մեջ:
Հատկանշական է, որ այդ դատավճռի հրապարակումից ժամեր առաջ Ղազախստանում գտնվող Հայաստանի նախագահ Արմեն Սարգսյանը հեռախոսազրույց էր ունեցել ԲԴԽ նախագահ Գագիկ Հարությունյանի հետ, որի ընթացքում քննարկել էին ընթացիկ իրավիճակը:

Այդ հեռախոսազրույցն ու հաղորդագրությունն ակնառու վկայում են, որ գործընթացները ծավալվել են ոչ թե Քոչարյանի դատավճռի հրապարակումից հետո, այլ դրանից առաջ: Այլապես դատավճռի հրապարակումից առաջ Արմեն Սարգսյանն ընթացիկ վիճակ չէր քննարկի Գագիկ Հարությունյանի հետ:
Ի՞նչ կապ է ունեցել այդ ամենին Արզուման Հարությունյանը, որը պաշտոնանկ եղավ Գագիկ Հարությունյանի հրաժարականին զուգահեռ: Իսկ արդյոք Հարությունյանի հրաժարականի հարցում դեր կարող էր ունենալ այն «կապը», որ դատավճռի հրապրակումից առաջ զարգացումներում կարող էր ունենալ Արզուման Հարությունյանը:

Արդյոք Հարությունյանը իր հրաժարականով «փրկել» է ԱԱԾ պետի տեղակալի պաշտոնը զբաղեցնող եղբորը, ապահովելով նրա համար անամպ հեռացում:

Այդ ամենը բնականաբար ենթադրություն են, սակայն ներքաղաքական իրավիճակի դրվագներն ու իրադարձությունները առանձնահատուկ շրջանակ են ստացել դավադրության մասին Նիկոլ Փաշինյանի հայտարարության համատեքստում, որ նա ներառել էր դատաիրավական համակարգում վիրահատական քայլերի մասին իր ելույթում:

Մայիսի 24-ին՝ Գագիկ Հարությունյանի հրաժարականի մասին տեղեկությանը զուգահեռ, տարածվեց տեղեկություն այն մասին, որ Արցախ է մեկնել Սահմանադրական դատարանի նախագահ Հրայր Թովմասյանը, որտեղ հանդիպել է Արցախի նախագահ Բակո Սահակյանին: Ըստ պաշտոնական հաղորդագրության, քննարկել են հայկական երկու պետությունների դատական համակարգերի գործակցության հարցեր:
Հրայր Թովասյանն ըստ երեւույթին մեկնել է Բակո Սահակյանի մոտ հասկանալու, թե ինչ է կատարվում եւ ինչպես պետք է վարվել:

Չէ՞ որ շատ բան սկսվեց Բակո Սահակյանի եւ Արկադի Ղուկասյանի երաշխավորագրից, որը դրվեց երկրորդ նախագահի կալանքից ազատման հիմքում, փաստորեն հիմք դնելով շղթայական ռեակցիայի կամ բումերանգի էֆեկտի:

lragir.am

Related posts

Վույ-վույ-վույ, աման-աման, մի հատ գտեք էլի ձեզ. Արարատ Միրզոյանը՝ ԼՀԿ-ին

admishik

ՍԴ-ի նախագահը եթե մի քիչ նամուս ունենար՝ պետք է արդեն հրաժարական տար

admishik

Դպրոցներն այդ վիճակում են այն պատճառով, որ դուք ՀՀԿ-ի հետ այստեղ նստած կնոպկա եք սեղմել․ Սիմոնյան

admishik

Սարգիս Օհանջանյանը ազատ արձակվեց. նրան ՔԿՀ–ի մոտ դիմավորեց Լեւոն Քոչարյանը. ՏԵՍԱՆՅՈՒԹ

admishik

Ինչպես է Լևոն Քոչարյանը դիմավորում Սարգիս Օհանջանյանին

admishik

«Ես պատրաստ եմ դրանց տեղերը ասել». Գեներալ-մայորը՝ ԱԱԾ ոչնչացած փաստաթղթերի մասին. «Ժողովուրդ»

admishik

ԲԱՑԱՌԻԿ․Ոստիկանները բացահայտեցին զենքի սպառնալիքով կատարված ավազակային հարձակումները

admishik

Նիկոլ Փաշինյանն ու Արմեն Սարգսյանը հերթական հանդիպմանը խոսել են նաև սխալներից ու բացթողումներից

admishik

Կեցցեք՜.Աշտարակ քաղաքում ժողովուրդը թույլ չտվեց Քոչարյանականներին ակցիա իրականացնել

admishik