Ի՞նչ գործ ունի նկարահանող խումբը զորամասի տարածքում…Լևոն Բարսեղյանի գրառումը ի պաշտպանություն գնդապետի

Բոլոր ֆաքմեջներից ելք կա
Երեկ հրապարակվեց տեսանյութ, որում երեւում էր, որ զորամասի, հավանաբար, հրամանատարը՝ գնդապետ, խնդրում է, ապա մի քանի անգամ պահանջում է դադարեցնել նկարահանումները զորամասի տարածքում, ապա զորամասի տարածքից դուրս է հրավիրում նկարահանող խմբին: Նկարահանող խումբը համառում է: Գնդապետը բարկանում է, վերջը նյարդերը տեղի են տալիս ու դիմում է ուժի/բռնության:
Մի քանի հարց.
1. Ի՞նչ գործ ունի նկարահանող խումբը զորամասի տարածքում:
Որեւէ մեկը չփորձի ժողովրդավարություն ու մարդու իրավունքները բերի որպես արդարացում, դա կեղծ եւ մանիպուլյատիվ արդարացում կլինի: Ո՞վ է պատասխանատու՝ նկարահանող խմբի՝ զորամասի ներսում հայտնվելու համար: Եթե չկար թույլտվություն, ապա զորամասի մուտքի պահակազորը պիտի պատասխանատվության ենթարկվի՝ օրենքով: Եթե չկա կարգավորող օրենսդրություն, համապատասխան մարմինը՝ ԱԺ/կառավարություն/ՊՆ, պետք է անհապաղ մշակի եւ գործարկի այդ օրենսդրությունը, հավանաբար, կա համապատասխան պատասխանատվության նորմ: Այդ պատասխանատվության մասին պիտի հանրությունը իրազեկվի, այսպես. այսինչ օրը, իքս զորամսի պահակազորը անփութություն է դրսեւորել, ներս է թողել կամ անտեսել է զորամասում այսինչ լրատվամիջոցի այսինչ աշխատողներին, որոնք այնտեղ գտնվելու իրավունքը չեն ունեցել: Պատասխանատվությունը այս այս այս նորմերով սա է, պատասխանատվության են ենթարկվել այս այս այս պաշտոնյաները եւ այլն:
2. Նկարահանող խումբը տեղյա՞կ է , որ զորամասի ներսում (1) գտնվելու եւ (2) նկարահանում իրականացնելու համար համապատասխան թույլտվություն պիտի ունենար, ունե՞ր այդ թույլտվությունը, ով/ինչ մարմին է տվել այդ թույլտվությունը, եթե կա այդպիսին: Եթե կար նման թույլտվություն, ինչն էր խանգարում նկարահանող խմբին ներկայացնել այդ թույլտվությունը: Հավաբար չկար նկարահանման թույլտվություն: Ժամանակին, երբ խնդրում էինք թույլ տալ բանտեր եւ զորամասեր այցելել, թույլ չէին տալիս, ու չէինք գնում, ներխուժում: Ասում էին՝ նպատակահարմար չէ, եւ վերջ:
3. Ի՞նչ էր անում այդ միջադեպի ընթացքում ոստիկանությունը, որ չէր միջամտում վեճին: Գնդապետի կողքին ոստիկանության մայոր կար, մի քանի մետր այն կողմ՝ մոտ 20 ոստիկան: Ինչն էր խանգարում ոստիկանությանը՝ դուրս հրավիրել թույլտվություն չունեցող նկարահանող խմբին զորամասի տարածքից, իսկ չենթարկվելու դեպքում՝ իրավաչափ ուժ գործադրել: Ինչո՞ւ էր ոստիկանությունը դիտում, գործելու փոխարեն: Այս անգործությունը նույնպես պատասխանատվության պիտի հանգեցնի: Եթե այդ ոստիկանները լիազորություններ չունեին ոստիկանական գործառույթներ իրականացնելու, պիտի հաղորդվի՝ իմանանք, թե ինչ գործ ունեին զորամասի ներսում: Հավանաբար՝ օրենքով նախատեսված իրենց լիազորություններն իրականացնելու համար էին այնտեղ: Այդ տեսանկյունից, նախ պիտի նկատեին խնդիրը (հատուկ պահպանվող տարածքում նկարահանումների թույլտվության առկայությունը) եւ միջամտեին, իսկ չնկատելու դեպքում, գնդապետը 2 բառով ոստիկանությանը պիտի դիմեր, պահանջելով կատարել իրենց պարտականություները, ոչ թե ինքը միջամտեր:
4. Գնդապետին մեղադրանք չի կարող ներկայացվել, որովհետեւ ՀՀ քրեական օրենսգրքի 164 հոդվածը պատասխանատվություն ենթադրում է հետեւյալ դեպքում, եթե տեղի է ունեցել լրագրողի մասնագիտական օրինական գործունեությանը խոչընդոտում…: Այստեղ անկյունաքարային է «օրինական» բառը: Եթե կպարզվի, որ լրագրողները զորամասի տարածքում նկարահանումների թույլտվություն ունեին (կարծեմ օպերատորն անընդհատ պնդում էր, թե հիմա կզանգեն, թե ով ում կզանգի, պարզ չէր…), պիտի այդ մասին տեղեկացնեին նկարահանումները դադարեցնելու պահանջի պահին, որովհետեւ տարածք հանրային կամ հրապարակային տարածք չէր, այլ հատուկ պահպանվող տարածք, թույլտվություն ունենալու եւ գնդապետին պատշաճ տեղեկացնելու դեպքում դրությունը այլ կլիներ: Իսկ եթե չեն ունեցել թույլտվություն, ապա այդ տարածքում գործունեությունը ոչ մի կերպ օրինական գնահատել ու գնդապետի՝ արգելանքը անօրինական համարել ոչ ոք չի կարողանա: Ավելին, զորամասի տարածքում առանց թույլտվության նկարահանումը անտեսելու դեպքում գնդապետը կհայտնվեր ինչ-որ կարգի պատասխանատվության թիրախում:
Էլի հարցեր կան, բայց այսքանն էլ բավարար է խայտառակ իրավիճակը ընկալելու համար: Հիմա, պարոնայք/տիկնայք իշխանությունններ, ասացեք, որ այսպիսի խնդիրները կարգավորելը, կամ կանխարգելելը գենային ինժեներիա է ու մասնագետ չունեք կառավարությունում, ասեք, որ այլմոլորակային քաղաքակրթությունների օգնության կարիքն ունեք, որպեսզի մնան բաներ տեղի չունենան, այն էլ զորամասի տարածքում: Ամոթալի բան է, այս տեսակ բաները, որ ոմանք կարող են մանրուք համարել, ցույց են տալիս, թե ինչպես կարելի է ֆաքմեջ անել եղած ու թեկուզ վատ իրավակարգը գիտելիքի, քաղաքական կամքի աղետալի պակասի պատճառով, մեծամտության ու ինքնահավանության հսկայական ավելցուկի պատճառով: Եղածը նաեւ նկարահանողների սադրանքը կարող է համարվել, օրինակ կարող էին առաջին պահանջի դեպքում դադարեցնել նկարահանումը, խոսել, բացատրել, որ թույլտվություն ունեն նկարահանման (եթե կար այդպիսին), ապա շարունակել, կամ լքել տարածքը, չէ, ինչ-որ շատ կարեւոր առաքելությամբ մարդիկ էդ թեժ միջոցին ուզում էին հանրային նշանակության գաղտնիք բացահայտել կարծես ու … չբացահայտեցին: Բայց անգամ սադրանքի դեպքում իշխանությունը պատշաճ լիազորված է եւ ունի բոլոր գործիքները համարժեք միջամտությամբ խափանելու սադրանքը: Նոյեմբերի 9/10-ի գիշերվա կառավարական շենքերի վրա հարձակման ու վանդալիզմի, ԱԺ նախագահին մահամերձ սարքելու համապատկերին սա մանրուք է, բայց շատ խորհրդանշական ցուցիչ:
(Տեսագրությունը՝ ցածը)

Related posts

ԲՀԿ-ի անդամները ծաղրում են Վազգեն Մանուկյանին ասելով՝ էս ինչ մեռել են մեզ դայաղ արել

admishik

❗ Քարվաճառի անտառի եղնիկն ու մեր բարի զինվորները 🥰🇦🇲

admishik

Վանեցյանն իր ընդդիմախոսներին անվանում է «Եհովայի վկաներ», Աշոտյանն անվանում է «ժեխ», Մանուկյան Վազգենը՝ «բոմժեր»… Տարոն Չախոյանի դիպուկ գրառումը

admishik

Հիմա ասեմ ամոթ էն ղարաբաղցուն, ով որ Ռոբ ա պաշտպանում, Բակո կամ Սերժ, միայն նրա համար, որ… Արբակ Հակոբյանի գրառումը

admishik

Հիշու՞մ եք, որ էս գյադեն ամերիկացիքին տարավ Շուշի, ու սենց բան գրեց, իսկ հիշու՞մ եք, որ էս նույն գյադեն արոյի օգնականն ա

admishik

«Միքայել Մինասյանի սկանդալային բացահայտումից հետո հասկացա 3 բան» Արմեն Աշոտյան

admishik

Վստահ եմ՝ 16 ուժերի մեջ գեթ մեկ ողջամիտ գործիչ կգտնվի, ով այս իդիոտի փոխարեն ներողություն կխնդրի գյումրեցիներից. Արման Բաբաջանյան

admishik

Հայկական մաֆիան ամենաայլանդակն է աշխարհում․Լևոն Շիրինյան

admishik

«Ինչու եմ այսպես ջերմեռանդ պաշտպանում վարչապետին։Այդ հացը չէիք տա,եթե…». Լյովա Եղիազարյանը անկեղծանում է.

admishik