«Ժողովուրդ». ՔՊ նիստում քննարկվել է նաեւ «Դվին»-ում այսօր կայանալիք խնջույքի հարցը. Փաշինյանը վճարել է 10 հազար դրամ

«Ժողովուրդ» թերթը գրում է․ «Երեկ «Քաղաքացիական պայմանագիր» կուսակցության կենտրոնական գրասենյակում տեղի է ունեցել վարչության հերթական նիստը, որին մասնակցել է նաեւ ՀՀ վարչապետ Նիկոլ Փաշինյանը:

Նիստի ընթացքին զուգահեռ տարաբնույթ խոսակցություններ էին պտտվում, որ իշխանական կուսակցության վարչությունը քննարկում է ԱԱԾ նախկին տնօրեն Արթուր Վանեցյանին պետական հեղաշրջման փորձի համար կալանավորելու հարցը, ինչպես նաեւ այն թեման, որ մեծ արտահոսք է սպասվում ՔՊ-ից:

Բայց «Ժողովուրդ» օրաթերթին այդ նիստից հասած որոշ մանրամասներ այլ բանի մասին են հուշում: Գուցե այդպիսի հարցեր էլ են քննարկվել, բայց պայմանավորվել են որեւէ դեպքում դուրս չհանել: Ամեն դեպքում, մեզ հասած լուրերի համաձայն՝ այս անգամ ՔՊ վարչության նիստն այնքան էլ երկար չի տեւել. եթե սովորաբար այն կարող էր 4-5 ժամ տեւել, ապա այս անգամ տեւել է 2.5 ժամից մի քիչ ավել: Տեղեկացանք, որ նիստի ժամանակ պատգամավորներից մեկը առաջարկ է ներկայացրել «Կուսակցությունների մասին» օրենքում փոփոխություններ կատարելու մասին, սակայն նրա ելույթի ժամանակ վարչապետն ընդհատել է եւ ասել, թե նման նախաձեռնություն ներկայացնելիս նախապես այն քննարկել է պետք, եւ թույլ չի տվել շարունակել ելույթը:

Տեղեկացանք նաեւ, որ նիստից հետո խոսվել է «Դվին» ռեստորանում այսօր կայանալիք խնջույքի մասին, որի համար յուրաքանչյուր ՔՊ-ական վճարել է 10 հազար դրամ: Խնջույքը հետտոնական է, որը կկայանա «Դվին» ռեստորանում՝ ՀՀ ամենասուրբ քաղաքի՝ Էջմիածնի ճանապարհին:

«Ժողովուրդ» օրաթերթը տեղեկացավ, որ երեկվա նիստից հետո վարչապետ Նիկոլ Փաշինյանն անձամբ է վճարել իր մասնակցության գումարը. տվել է 20 հազար դրամ, 10 հազար դրամ մանրը հետ է ստացել»:

Առավել մանրամասն՝ թերթի այսօրվա համարում

Related posts

«Հայրենիք»-ԲՀԿ կապը վերջնականապես խզվել է. Ինչից է բողոքել Վանեցյանը. «Ժամանակ»

admishik

Սեւանում «շիշ բռնողին» անօրինական տարածք են տրամադրել. «Հրապարակ»

admishik

Փաշինյանի համբերության բաժակ լցվել է. շատ շուտով` արձակուրդից հետո, այդ պրոբլեմը «բլիժնի բոյի» կվերածվի. «Իրատես»

admishik

Հետկանչ. Ում է պատրաստվում ԲՀԿ-ն առաջադրել Սերգեյ Բագրատյանի փոխարեն. «Ժամանակ»

admishik

Բակո Սահակյանն արշավներ է կազմակերպում.«Հրապարակ»

admishik

Ի՞նչ գործ ուներ Մարիամ Փաշինյանը Հայկ Սարգսյանի հետ Սեւանում. վարչապետը տեղյակ է եղել հավաքույթից. «Իրավունք»

admishik

Իշխանությունը որոշել է քանդել ԲՀԿ-ն. Ծառուկյանն ասել է հեռախոսներն անջատեք

admishik

Առաջիկայում ԲՀԿ-ում նոր ու տհաճ անակնկալներ են սպասվում. Գեւորգ Պետրոսյանը դուրս կգա՞ խմբակցությունից. «Իրավունք»

admishik

Պատգամավորի մասնակցությամբ խնջույքի լողափն ապօրինի է գործում. բացահայտում. «Ժողովուրդ»

admishik