Թանկարժեք տղան. Շուրջ 120 հազար դոլար՝ Ալեն Սիմոնյանի գործուղումներին

Medialab-ը գրում է
Ազգային ժողովի նախագահ Ալեն Սիմոնյանը իր պաշտոնավարման շատ կարճ ժամանակահատվածում Հայաստանի պետական բյուջեից միայն 7 երկիր կատարած գործուղումների համար ծախսել է շուրջ 57 մլն դրամ (120 հազար ԱՄՆ դոլար) գումար: Նա, հիշեցնենք, խորհրդարանի խոսնակ էր ընտրվել օգոստոսի 2-ին:

«Մեդիալաբը» գրավոր հարցմամբ ԱԺ աշխատակազմից խնդրել է պատասխանել հարցերին, թե իր պաշտոնավարման ընթացքում ինչ գործուղումներ է իրականացրել ԱԺ նախագահ Ալեն Սիմոնյանը, և որքան գումար է ծախսվել դրանց վրա:

ԱԺ նախագահի գործուղումները սկսում են սեպտեմբերից և այս կարճ ժամանակահատվածում Սիմոնյանն այցելել է Վիեննա, Մոսկվա, Աթենք, Նիկոսիա, Փարիզ, Սանկտ Պետերբուրգ և Մադրիդ:

Այսպես, սեպտեմբերի 7-ին Վիեննա կատարած այցի համար Հայաստանի պետական բյուջեից ծախսվել է 6 մլն 891.328 դրամ: Վիեննա կատարած այցի շրջանակներում Սիմոնյանը մասնակցել է խորհրդարանների նախագահների 5-րդ համաշխարհային համաժողովին: Վիեննա կատարած այցի ընթացքում Ալեն Սիմոնյանին ուղեկցել է ԱԺ աշխատակազմի 6 աշխատակից:

Հաջորդ այցելությունը կատարվել է Մոսկվա՝ հոկտեմբերի 4-ին և բյուջեի վրա արժեցել է 5 մլն 237 հազար դրամ:

Հոկտեմբերի 21-ին Ալեն Սիմոնյանի գլխավորած պատվիրակության այցը Աթենք արժեցել է 9 մլն 420.500 դրամ, իսկ այցի ընթացքում Սիմոնյանի գլխավորած պատվիրակության կազմում եղել է 12 անձ՝ ԱԺ աշխատակազմից և պատգամավորներ ԱԺ «Քաղաքացիական պայմանագիր» իշխող խմբակցությունից:

Գրեթե նույն կազմը հոկտեմբերի 25-26-ին դարձյալ Ալեն Սիմոնյանի նախագահությամբ մեկնել է Կիպրոս՝ Նիկոսիա: Այցի կազմակերպման համար բյուջեից ծախսվել է 690.030 դրամ:

Առավել ճոխ է եղել Սիմոնյանի Հաջորդ այցելությունը Փարիզ, որը տեղի է ունեցել նոյեմբերի 22-ին: ԱԺ նախագահի այս ճամփորդությունը հարկատուների գրպանից խլել է 15 մլն 956.016 դրամ: Ի դեպ, այցը տևել է երկու օր, իսկ պատվիրակության կազմում ընդգրկված է եղել 13 անձ՝ պատգամավորներ և ԱԺ աշխատակազմի աշխատակիցներ: Հիշեցնենք՝ Փարիզ կատարած այցի ընթացքում էր, որ Սիմոնյանը Ադրբեջանում պահվող հայ ռազմագերիների հետ կապված սկանդալային հայտարարություն էր արել:

Հաջորդ ճոխ ճանապարհորդությունը Ալեն Սիմոնյանը կատարել է դեպի Մադրիդ՝ նոյեմբերի 26-ից դեկտեմբերի 1-ը: Այդ այցելությունը տեղի է ունեցել Միջխորհրդարանական միության 143-րդ քառօրյա վեհաժողովին մասնակցելու նպատակով: Պետական բյուջեից այդ այցելության համար վճարվել է 16 մլն 123.891 դրամ: Սիմոնյանը ելույթ է ունեցել վեհաժողովում դրա երրորդ օրը, մյուս օրերի Սիմոնյանի հանդիպումների ու գործունեության մասին ԱԺ աշխատակազմը լռել է: Այս անգամ Սիմոնյանի պատվիրակությունը կազմված է եղել 10 հոգուց. Սիմոնյանը սեփական թիմից իր հետ տարել է Հայկ Կոնջորյանին, Հասմիկ Հակոբյանին և Ծովինար Վարդանյանին:

Մինչ Մադրիդ այցելությունը Սիմոնյանը նոյեմբերի 25-26-ին բավական լայն կազմով՝ 13 հոգի, եղել է Սանկտ Պետերբուրգում, ինչի համար բյուջեից ծախել է 2 մլն 443.500 դրամ:

Գործուղումների այս հսկայական գումարները, որոնք ծախսվում են պետական բյուջեից հարկատուների հաշվին, Հայաստանի խորհրդարանի խոսնակի միակ ճոխ ծախսերը չեն: Նրա ցանկությամբ պետական բյուջեից 90 մլն դրամ (200 հազար ԱՄՆ դոլար) էր հատկացվել ծառայողական նոր BMW 750Li xDrive LCI դասի մեքենա ձեռք բերելու համար:

Related posts

Ինչպես են իրավապահները խուզարկում Դոն Պիպոյի տունը․Բացառիկ Կադրեր

admishik

Թշնшմին «Սմերչ» կայանքից կրակ էր բացել քաղաքացիական օբյեկտների վրա․ՏԵԱՆՅՈՒԹ

admishik

Հենց հիմա նոր Բացառիկ բացահայտումներ երեխաների վաճառքի վերաբերյալ․Սկանդալային Տեսանյութ

admishik

Հենց հիմա ներողություն խնդրեք․Ինչպես է Խաչատուր Սուքիասյանը հունից դուս գալիս

admishik

Հենց հիմա ներողություն խնդրեք․ Խաչատուր Սուքիասյանը՝ լրագրողին

admishik

Ռուբինյանը նետվեց դեպի ընդդիմադիրները, ԱԺ-ում իրավիճակը լարվեց.ՏԵՍԱՆՅՈՒԹ

admishik

Ռուբինյանն ու Արշակյանը չդիմացան Տեսեք թե ինչ է կատարվում ԱԺ-ում հենց հիմա

admishik

Վիճաբանություն ԱԺ նիստերի դահլիճում. Ինչպես Ռուբինյանն իջավ ամբիոնից եւ մոտեցավ ընդդիմադիրներին. Տեսանյութ

admishik

Լարված իրավիճակ․Տեսեք թե Ինչ է կատարվում ԱԺ-ում հենց այս պահին․Բացառիկ Կադրեր

admishik