Ես Ձեզ չէի ստիպել նախիրի միջից ամենաբարձր զըռռացող էշի ճակատը պաչել. Սերժ Սարգսյան


Բացարձակ նպատակ չունեմ բոլոր խնդիրները, մեղքերն ու սխալները բարդելու ուրիշների վրա: Հասկանում եմ և քանիցս հրապարակավ, ի տարբերություն շատերի, ընդունել եմ, որ մեր կառավարման տարիներին առկա էին բազմաթիվ սխալներ ու բացթողումներ: Որ բազում խնդիրներ դանդաղ էին լուծվում: Որ մեր հայրենակիցների սպասումները մեզնից ավելին էին: Որ երկրում կար անարդարության և կոռուպցիայի բարձր ընկալում: Որ բավարար կոշտություն չեմ ցուցաբերել իշխանության ներսում ծվարած և մեր անվան տակ ազդեցություն կամ հարստություն դիզողների նկատմամբ: Որ ժողովրդի հետ շփվելիս հաճախ մինչև վերջ բաց ու հասկանալի լեզվով չեմ խոսել: Որ թերագնահատել եմ զանգվածային ազդեցության ցանցային նոր տեխնոլոգիաների դերակատարությունը: Որ առավելապես կենտրոնանալով երկրի անվտանգության ու պաշտպանության հարցերի վրա` ներքին մի շարք խնդիրներ բավարար ուշադրության չեմ արժանացրել: Որ որոշ դեպքերում, իսկ դրանք քիչ չէին, վստահել եմ մարդկանց, ովքեր դրան արժանի չէին: Եվ որպես հետևանք՝ գերագնահատել եմ պետական համակարգի կառավարելիության աստիճանը:
Այս շարքը ոմանք կարող են շարունակել՝ ինձ և մեզ վերագրելով տարաբնույթ չգործած կամ գործած սխալներ: Երևի հեշտ է ապրել, երբ քո գործած սխալների և առկա խնդիրների մեջ կարող ես մեղադրել բոլորին, բացի քեզնից: Չէ՞ որ, երբ, ըստ քեզ, ամեն ինչում «Սերժն է մեղավոր», ապա անվերջ կարող ես թմրեցնել սեփական խիղճդ և խուսափել ապագայի հանդեպ քո բաժին պատասխանատվությունից:
Ես ընդունել եմ և պատրաստ եմ էլի ընդունել սեփական սխալները: Եվ այստեղ ուզում եմ դիմել որոշակի շրջանակների. ձեր սխալն ինձ մի վերագրեք, խնդրում եմ: Ես ձեզ չեմ ստիպել մասնակիցը դառնալ այս արկածախնդրությանը, հետո գնալ և նախրի միջից պաչել ամենաբարձր զռացողի` էշի ճակատը: Եվ այնուհետև առասպելներ հորինել, թե իբր ես պայմանավորված եմ իշխանությունը հանձնել սրան, իբր համագործակցում եմ սրա հետ և այլ անհեթեթություններ:
Ես հիմա խնդրում և հորդորում եմ բոլորիդ՝ դադարեցնել հանդիմանել այսպես կոչված հեղափոխության մասնակիցներին: Չէ՞ որ նրանց մեջ եղել են բազմաթիվ բարի մղումներով մարդիկ, ովքեր հավատացել են, որ այդպես ավելի լավ երկիր կունենանք: Հայրենիքի համար այս ծանր օրերին մենք պարտավոր ենք ամեն ինչ անել միասնականության վերականգնման համար:

Related posts

Նիկոլ Փաշինյանն ընդդեմ բենզինի և դիզվառելիքի, կարագի, խոզի մսի, կարտոֆիլի թանկացման և թալանի. Երթ Երևանի կենտրոնում. Բացառիկ Տեսանյութ

admishik

Փաստորեն, ՀԱՊԿ-ի Բրյուս Լին դուք եք. Ագնեսա Խամոյանը՝ Նիկոլ Փաշինյանին

admishik

Հենց հիմա ուշադիր լսեք․․․․Էնքան բան կասեմ, որ ձեր ունքերը կբարձրանա ՝ վարչապետը ահավոր զայրացավ

admishik

Սկանդալ Ազգային Ժողովում.Արարատ Միրզոյանը ջախջախեց Աննա Մկրտչյանին.Տեսեք ինչ է կատարվում.

admishik

Ինչպես են ոստիկանները ասֆալտին փռում Գրանդ Քենդին թալանած տղամարդկանց.Բացառիկ Կադրեր

admishik

Ստամբուլյա՞ն․․․ Ստամբու՞լ․․․Լա՜վ է, ո´բշմ. Միջադեպ ԱԺ-ում

admishik

Կատակ եմ արել. Քերոբյանը՝ երկնիշ տնտեսական աճ չապահովելու դեպքում հրաժարական տալու մասին

admishik

Հերթական ձայնագրությունը՝ ԱԺ-ում. Քերոբյանից պահանջում են ասել հրաժարականի օրը

admishik

Կրակելու դեպքում մեզ վրա էինք կրակելու․ նախկին գերու պատմությունը

admishik