BarevBlog

«Դու էլ պիտի հեռանաս, ախպե՛ր ջան». Ու՞մ է նախատել Հենրիխ Մխիթարյանի մայրը. Մանրամասներ ՀՖՖ գործկոմի նիստից . «Ժողովուրդ»

«Ժողովուրդ» թերթը գրում է. ««Ժողովուրդ» օրաթերթի տեղեկություններով` ՀՖՖ գործկոմի նիստն ամենևին էլ հաշտ ու համերաշխ չի անցել, հենց սկզբից է նիստը լարված սկսվել: Գործկոմի կազմը ուղիղ երկու կեսի է բաժանվել՝ իշխող թիմի ներկայացուցիչները, որոնք համատեղությամբ նաև ՀՖՖ գործկոմի անդամներ են, մյուս թևում էլ՝ Արթուր Վանեցյանն ու գործկոմի մյուս ներկայացուցիչները: Իշխանականները խիստ մարտական են եկել նիստին ու սկզբից ևեթ «ատամ ցույց տվել» Վանեցյանին:

Բայց Վանեցյանն էլ իր հերթին իրեն «անատամ» չի պահել` շեշտելով, որ չփորձեն ինչ-որ ճնշումների միջոցով իր հրաժարականին հասնել. եթե հրաժարվի, ապա կանի բացառապես հենց իր ցանկությամբ: Գործկոմի անդամ, «Իմ քայլը» խմբակցությունից Ռուբեն Ռուբինյանն անցել է «ախպեր ջան» դիմելաձևին:

Գործկոմի անդամների հրաժարականի հարցը քննարկելիս Ռուբինյանը դիմել է Վանեցյանին. «Դու էլ պիտի հեռանաս, ախպե՛ր ջան»: Վանեցյանն ասել է` ինքնակամ հրաժարական կտա, եթե գործկոմից մյուսներն էլ հեռանան: Մոտ 3 ժամ բանակցելուց հետո են միայն որոշել, որ բոլորն էլ կհեռանան: Իշխանական թևից Վանեցյանին առաջարկել են հուշել, թե հայտարարության ինչ տեքստով ինքը կհեռանա, և 1,5 ժամ միայն աշխատել են այդ տեքստի վրա:

Հենրիխ Մխիթարյանի՝ գործկոմը ներկայացնող մայրը՝ Մարինա Թաշչյանը, նախատել է նիստի մասնակիցներին` շեշտելով. «Դուք ֆուտբոլ չեք սիրում, չեք ապրում ֆուտբոլով, ընդամենը քաղաքական հրահանգով դուրս եք եկել Վանեցյանի դեմ: Պետք չէր այս հարցն այսքան քաղաքականացնել»: «Ժողովուրդ» օրաթերթի տեղեկություններով` նիստի ընդմիջմանը իշխանական թևը փորձել է Վանեցյանից պարզել, թե հրաժարականից հետո ինչով է զբաղվելու:

Վանեցյանն էլ պատասխանել է. «Ինչով կուզեմ, դրանով էլ կզբաղվեմ»: Իշխանականները փորձել են վարչապետ Փաշինյանի անունից Վանեցյանին հասկացնել, թե պետք չէ քաղաքականությամբ զբաղվել: Իշխանականները նաև ակնարկել են, թե իրենց առաջնորդին նա մենակ թողեց, Վանեցյանն էլ հակադարձել է, որ վարչապետն է իր հետ վատ վարվել: Ինչևէ, Արթուր Վանեցյանը հեռանալուց առաջ հայտարարել է. «Ես եմ իմ նախաձեռնությամբ առաջարկել թողնել ֆեդերացիայի նախագահի պաշտոնը, որովհետև ինչ-որ մեկը պետք է վերցներ պատասխանատվությունը այն պարտության, որ մենք կրեցինք Իտալիայի հավաքականից։ Ես այդ պատասխանատվությունը վերցրեցի իմ վրա»:

Առավել մանրամասն՝ թերթի այսօրվա համարում:

Related posts

«Ի՞նչ եք խառնվել, ես դեռ էստեղ եմ». ՀՔԾ-ից Սերժ Սարգսյանը գնացել է Մելիք-Ադամյան. նոր մանրամասներ

admishik

Սերժ Սարգսյանի անձնագիրը վերցրել են. կանխվել են նրա եվրոպական այցերը. «Հրապարակ»

admishik

Ֆեյք ակումբ. Ինչու «Վերնատունը» չի աջակցել ՀՅԴ բողոքի ցույցերին. «Ժամանակ»

admishik

ՈՒշագրավ․Արթուր Վանեցյանը փակագծեր է բացում

admishik

Ով է ՀՀ չվերադարձող նախկին պաշտոնյաների ռուսաստանյան «տանիքը». «Փաստ»

admishik

Նոր բոլոլա. Քաղաքապետարանի համար անհատները գնել են ոչ միայն «ԿամԱԶ»-ներ, այլև աղբամաններ. «Ժամանակ»

admishik

ԱՄՆ-ում կալանավորվել է Դաշնակցության ոգին. Երգիչ Գառնիկ Սարգսյանը բեռնատարի խցիկում կոկաին է թաքցրել. «Ժամանակ»

admishik

Բանակում ծառայել 1 ամիս՝ 10 մլն դրամ վճարելով. Ինչի՞ կհանգեցնի Հայկ Սարգսյանի նախագիծը. «Ժամանակ

admishik

Ո՞վ է հրահանգել ոչնչացնել ԱԱԾ փաստաթղթերը. «Ժողովուրդ»

admishik