Դիմակի բիզնես և դեֆիցիտ. ՀՀ-ից մեծ խմբաքանակով արտահանել են և այլ երկրներում վաճառել. «Ժողովուրդ»

«Ժողովուրդ» թերթը գրում է. «Հայաստանում այսօր դիմակների դեֆիցիտ է, պահեստներն էլ դատարկ են: Իսկ ինչո՞ւ է այդպիսի իրավիճակ ստեղծվել, և ո՞վ է պատասխանատուն: Հիշեցնենք, որ վերջերս Հայաստանը միացել էր միջազգային ակցիային և դիմակներ ուղարկել մեր բարեկամ երկիր Չինաստան՝ որպես օգնություն: Դրան զուգահեռ լուրեր են պտտվում, որ եղել են մարդիկ, որոնք դիմակների մեծ խմբաքանակ են էժան գնել, սակայն, Հայաստանում իրացնելու կամ Չինաստան ուղարկելու փոխարեն, արտահանել են այլ երկրներ, օրինակ՝ Ռուսաստան, և այնտեղ դրանք վաճառել ավելի բարձր գնով: Եվ այս իրավիճակը հանգեցրել է նրան, որ պատկան մարմիններն այժմ լծված են օրեցօր նկատվող դիմակի պակասի հարցը լուծելու գործին:

Բանն այնտեղ է հասել, որ, «Ժողովուրդ» օրաթերթի տեղեկություններով, անգամ Առողջապահության նախարարությունը դիմել է մի շարք աղբյուրների՝ դիմակների մեծ խմբաքանակ ներկրելու համար: Եվ չնայած այս իրավիճակին՝ պարզվում է՝ չկա մի կառույց, որը պետք է վերահսկեր կամ կանխեր նման դեպքերը: Համենայնդեպս, բոլոր հնարավոր օղակները պատասխանատվությունից խուսափում են:

Պետական եկամուտների կոմիտեից «Ժողովուրդ» օրաթերթին հայտնեցին, որ առանձին վերլուծություն չունեն, թե որքան դիմակներ են ներկրվել կամ դուրս բերվել Հայաստանից: Իսկ «Դեղերի և բժշկական տեխնոլոգիաների փորձագիտական կենտրոն»-ի տնօրեն Վիլեն Գաբրիելյանն էլ «Ժողովուրդ» օրաթերթի հետ զրույցում ընդգծեց, թե իրենք վերահսկողական որևէ գործառույթ չունեն և միայն ստուգում են գրանցված վաճառվող ապրանքների որակը: Իսկ ինչ վերաբերում է Առողջապահության նախարարությանը, ապա նրանք հիմա զբաղված են հետևանքները վերացնելով. դիմակ են փնտրում, որ մեծ քանակությամբ ներկրեն:

Այսպիսով, ստացվում է, որ մեր երկրում չկա ոչ մի կառույց, որը կվերահսկի դիմակների պաշարի մասով իրավիճակը, ու երբ ողջ աշխարհը զբաղված էր դիմակների պահեստավորմամբ, մեր երկրում, փաստորեն, դիմակի բիզնես են արել Հայաստանից մեծ խմբաքանակով արտահանելու և այլ երկրներում թանկ գնով այն վաճառելու եղանակով: Համենայնդեպս, երեկ այս ինֆորմացիան պաշտոնապես որևէ կառույց չհերքեց:

Իսկ կորոնավիրուսը երեկ հասավ արդեն Վրաստան»:

Առավել մանրամասն՝ թերթի այսօրվա համարում:

Related posts

Սամվել Ալեքսանյանն իշխանությանը նվիրած գումարը ժողովրդի միջոցով հետ է գանձում

admishik

Ում և ինչու է Նիկոլ Փաշինյանը հրահանգել «հանգստանալ». «Ժամանակ»

admishik

Տաքսիստին ծեծած «Բրաբուսի» վարորդի որդին մահացել է. Մանրամասներ

admishik

Փաշինյանը ստիպված է Սերժ Սարգսյանին Բրյուսել մեկնելու թույլտվություն տվել. մամուլի տեսություն

admishik

Ինչ ցանել եք, այն էլ հնձում եք. Սերժ Սարգսյանի քաղաքական ողբերգությունը. «Իրատես»

admishik

Ով է հրահանգել ջարդուփշուր անել «Վստրեչի Ապերի» տունը

admishik

ՀՀԿ հնաբնակները՝ ընդդեմ Ազատիչի. Ինչ են պահանջում նրանք. «Ժամանակ»

admishik

Վահագն Վերմիշյանը եղել է ԱԱԾ ի տեսադաշտում. Ինչ տեսախցիկներ են եղել աշխատասենյակում

admishik

Ինչպե՞ս է Սերժ Սարգսյանն ստացել երկրից դուրս գալու թույլտվություն. «Հրապարակ»

admishik